بسبب الزلزال..أصالة تتعرض للانتقادات عقب ظهورها في حلقة سعودي أيدول

تعرضت الفنانة أصالة نصري للانتقادات عبر موقع التدوين تويتر عقب ظهورها على الهواء مباشرة في برنامج اكتشاف المواهب سعودي أيدول، مساء اليوم، وعقب يوم واحد من وقوع زلزال مدمر في سوريا وتركيا أسفر عن الكثير من الضحايا و المصابين.

في بداية الحلقة ظهرت أصالة بإطلالة سوداء، وقالت في كلمتها: "الانسان بيحتار بهيك مواقف يختار الاختفاء أو يأخذ شكل الحداد واخترت التواجد لانه بحس هلق الناس الضعاف بحاجة لناس أقوياء".

وتابعت: "اذا ضعفنا ما رح فينا نساعد نعتبرها اليوم مثل طبطبة وجودنا اليوم بمثابة طبطبة على قلوب الجميع"، موجهة التعزية لكل ضحايا الزلزال.

ومع تداول كلمة أصالة على موقع التدوين تويتر، انتقد الكثير ظهورها بعد يوم واحد من الكارثة، وجاءت التعليقات: " لاسف مش كل فنان إنسان والشاطر بيفهم شو المقصد"، وقال آخر: " بفتكر كان لازم يتأجل العرض لأنو مافي ولا أي مبرر يغطي هالمصيبة".

وجاءت بقية التعليقات: " حكي ولاد صغار كأنو الناس هدول قاعدين قدام التفي وعم يحضروها"، " مين عم يحاسبها؟ عم نحكي عن التصريح كلامها مش مدروس لا اكتر ولا اقل".

وقال حساب آخر: "الناس اللي بحاجة لطبطبة هلق يا صولا قاعدين بالشوارع بالبرد بلا حرامات وأغطية ولا حتى تياب بتدفي للاسف مش قادرين يحضروكي ت يستمدوا منك القوة. مش رح نحكم عالنوايا بس التصريح غير مدروس بالمرة ".

الناس اللي بحاجة لطبطبة هلق يا صولا قاعدين بالشوارع بالبرد بلا حرامات وأغطية ولا حتى تياب بتدفي للاسف مش قادرين يحضروكي ت يستمدوا منك القوة. مش رح نحكم عالنوايا بس التصريح غير مدروس بالمرة #ياطبطب #سوريا pic.twitter.com/yPHjJx39Lk

— Roula Nasr_ ByRoula on youtube (@roulanasr1) February 8, 2023

لا تظلميها بكفي لبست اسود 😂

— Abood Shuobaki 🐍 (@abed_shoubaki) February 8, 2023

بفتكر كان لازم يتأجل العرض لأنو مافي ولا أي مبرر يغطي هالمصيبة🙏

— Bilal (@bilalZD55) February 8, 2023

وفي وقت سابق، ردت   أصالة نصري على مطالبات أحد مستخدمي موقع التدوين تويتر لها بضرورة تقديم دعم ومساعدات لبلدها سوريا على خليفة الزلزال المدمر الذي ضرب البلاد.

وكان قد قال أحد المستخدمين في رسالته:" على الفنانة #أصالة_مصطفى_نصري تبني مباردة انسانية وحث زملائها وزميلاتها لمساعدة مواطنيها في الشمال السوري المنكوب، ما حدا يقول ما بقدر، فيهن يفوتوا من المعابر التركية.. (كلفة #مهرجان شاركتوا فيه مؤخراً) /ما تواخذوني #ناطرين ؟؟ #المساعدات_الإنسانية".

من جانبها ردت أصالة قائلة: " أكيد ياأخي العزيز ربيع ماعم بستنّى توجيهاتك لأعمل واجبي اللي ماوقفت عنّه حتّى لمّا وقفت المهرجانات ووقفت الحفلات وماكان فيه شغل بس الضمير والمسؤوليه ماوقفوا !!".