شيرين رضا تفاجئ الجميع وتكشف السبب وراء عدم إقامة حفل زفاف لابنتها

كشفت الفنانة المصرية شيرين رضا عن قرب زواج ابنتها نور، مؤكدة على عدم إقامة حفل زفاف لها.

وقالت رضا في تصريحات لبرنامج et  بالعربي إنها لا تؤمن بضرورة إقامة حفل الزفاف عند الزواج، مشيرة أن  نور دياب ستتزوج في حفل عائلي وليس حفل زفاف فخم كما يتوقع البعض.

وقالت عن السبب وراء عدم إقامة حفل الزفاف: "نور مخطوبة دلوقتي وهتتجوز أكيد، واحنا ماعندناش الأفراح، ولا نؤمن بهذه الأشياء، أنا عمري ما لبست فستان فرح، لبسته في التمثيل بس مالبستش في الحقيقة".

 

 

 

 

View this post on Instagram

 

 

 

 

 

 

 

 

 

 

 

A post shared by ET بالعربي (@etbilarabi)

وأكملت تصريحاتها قائلة: "طبعا كل واحد حر يعمل اللي هو عاوزه، احنا ماتربناش كدا، ودي أفكار شخصية".

وتابعت حديثها الذي أقيم معها على هامش مهرجان جدة السينمائي: "أنا بشوف إن الحفلة الكبيرة دي فلوسها كتير أوي أوي، ليه هما ما يستمتعوش بالفلوس دي أكتر من فستان الفرح والقاعة اللي بالمبالغ الكبيرة، كل دا علشان ليلة واحدة ما هما ممكن ياخدوا الفلوس يستمتعوا بيها أكتر".

وختمت تصريحاتها: "المهم إن نور وجوزها وأهله وأهلها هما اللي يفرحوا وأصدقائها المقربين".

كانت شيرين رضا، انتهت من تصوير حكاية "لو بعد حين" ضمن مسلسل "حدث بالفعل"، الذي تتعاون فيها لأول مرة مع الفنانة دينا الشربيني.

وكشفت الفنانة شيرين رضا غيابها عن موسم رمضان 2023، وقالت في وقت سابق: "بصور مسلسل شغالة عليه دلوقتي هيتعرض يوم 31 ديسمبر وبقالي شهرين بصور ولسه بنصور".

ومازحت شيرين رضا مقدم البرنامج قائلة: "بقالي شهرين بصور تفتكر لو حد جه قالي دلوقتي تعالي نصور لرمضان هخنقه إزاي، أنا فعلا تعبانة جدا لأن المسلسلات صعبة وشغلها صعب المسلسلات أصعب من الأفلام بكتير".

وتابعت: "أنا بكل تأكيد خارج السباق الرمضاني لأن معنديش وقت".