قصائد راكان بن حثلين مكتوبة

قصائد راكان بن حثلين هي مجموعة من الدواوين الشعرية للأمير والفارس والشاعر راكان بن فلاح بن مانع بن حثلين العجمي، والذي كان زعيم قبيلة العجمان في عام 1262 هجرية. وسُجن راكان بن حثلين في مدينة (نيش) في صربيا والتي كانت تابعة للدولة العثمانية آنذاك، وشارك في معركة بين الصرب والعثمانيين وأثنائها سُجن، ولكن أطلق العثمانيون سراحه وعاد إلى قبيلته شيخاً وزعيماً لها.

وفي هذا المقال، نستعرض مجموعة من أفضل قصائد راكان بن حثلين مكتوبة.

قصيدة راكان بن حثلين من سجنه

قال راكان بن حثلين:

يا الله يا علام كاين وما كان، يا واحدٍ كل أمته يرتجونه

تفرج لمن هو بين الأتراك منهان، من غير قاصر دارهم لي مهونة

ودي بشوف ديار مروين الأسنان، أهل الشهامة والوفا والمعونة

أفعالهم ماهي بزور وبهتان، فعل شهير والعرب يذكرونه

الله يسقي داركم يا عجمان، وبل من المنشأ تكاشف مزونه

أسود عريض ريض له تحنحان، كن الهنادي سلك في ركونه

من حومة النقيان لا حد قصوان، تسبل هماليله ويسود لونه

ويسقى من العرفا ليا جو سوقان، والصلب حيث ان لابتي يدهلونه

ديرة بني عم على الخيل فرسان، والضيف لا جا دارهم يكرمونه

حامينها بقدمي صنع نجران، شلاع ما يبرن الأطباب كونه

وحدب تقص الراس من حد الأمتان، يقضي بها الديان باقي ديونه

بايمان قوم لا احتمى الهوش فرسان، والضد لو هو نازح يصلونه

جلابة للروح لا ثار دخان، والروح لوه غالي يرخصونه

كم شيخ قوم طوحوا به بالإيمان، خلوه بالميدان يطرخ زبونه

ومن زان حنا له على الزين خلان، ويامن وحنا بالعهد ما نخونه

وليا نوانا بالقوامات خسران، يبطي سهير ما تغمض عيونه

وصلاة ربي عد هتاف الأمزان، لمحمد اللي منهجه يتبعونه

وقال أيضاً:

يا الله يا الله يا اللي مرقـبـه عال، يا اللي تحمـل جميـع الخلـق ميدانـه
ومدير الأفلاك من حالٍ إلـى حال، فـي كـل يـومٍ جديدٍ عـارف شـانـه
يا من له الحكـم وهـو القـادر الوالـي، عبده تحـرى علـى بابـه لرضوانـه
يا دايمٍ تستجيب دعـاي وسؤالـي، يا اللي لجاهـك نـزور البيـت وأركانـه
الطُف بغربة غريبٍ ما معـه مال، إلا رجا الفضل مـن مـولاي وحسانـه
وصبـي عينـي يـزج الدمـع همالـي، مـن حـر فرقـا محبينـه وخـلانـه
ومن طرف اليـوم كـن التـوت يعبالي والطرف عاف المنـام ولجـت أحزانه
وأصبحت مثل الدويـل المشعـل البال، من واهجٍ بين باب الصدر وأكنانـه
يا ليت من سار عدلٍ في الخلا الخالي وأبعد عن المصطفى وصيـاح بيبانـه
وأصبح وقلبه مريـفٍ خالـي البال، من صوت الأكراد ومراعاة سجانـه
وهني من قاد جمـعٍ فيـه جهال، لا جا اللقـا يعجبـون العيـن شبانـه
لاجا نهـارٍ يغبـي روس الأقذال، تطمس لماثيـل مـن عجة ودخانـه
مزنـه جمـوعٍ رعدهـا لـه تزلزال، يرعد بملـح القهـر وأبكـار سبهانـه
وبرقه رفيـف الهنـادي لـه تشيعالـي، يمطر بدرجٍ يشيب الرأس فكوانـه
يجلا صدى القلب محنابه إلـى سالـي، ينسف غثاه الجنايـز فـوق جيلانـه
كم من عديمٍ طووا به ربعي الجالـي، لاطب سوق الغـلا زادوا بـه أثمانه
عقب الترف لبسـوا غاليـه الأسمالـي، يبطي وكبده علـى المفقـود وجعانـه
يا ميـة زيـدوا فـي كـل مكيال ومن شد، شدٍ رموا له فوق ديوانـه
معهم من الروم من صنعة حسن بالـي وفرنجـيٍ بيـن كتبانـه وتومانـه
شلاع الأكـوان فـي يـوم التجوال، ندّب به اللي غشيمٍ ما عرف شأنه
خله وقـم يـا نديبـي فـوق مرقالـي، هـو منـوة اللـي يبـي داره وحيانـه
أشقر امـوازي طويـل البـاع شملالـي، حـدر العقيلـي سنامـه حشـو بدانـه
لا سـاج حبلـه يزيـد القفـل بجفالـي، كنـه ظليـمٍ تحـلا الـزول بعيانـه
واليا بدت له رسومٍ دونـه اللالـي، يطـوي تناديـد مسافتهـا بذرعـانـه
لاجيت سيف الجزيرة يـا هـوا بالـي، بـدل بـمـا سـمـح الوشار ليحـانـه
تلفي لقصرٍ رسومه بنيهـن عالـي، على السخـا شيـدوا ساسـه وبنيانـه
أهله هل الجود مـن لأول إليا التالـي وأن دور الجود هـم نـوره وسلطانـه
وبلغ سـلامٍ يشـادي در الأجهال ولا جنـا غرسـةٍ باليـم ريـانـه
خص أحمد اللي عسالـه طـول الأمهال، عسـاه يبطـي وهـو ما جاه ديـانـه
يا سعد أبو مـن يشاهـد ذرب الأفعال، في ساعةٍ غايبٍ غيضه وشيطانه
عليـه وصـف البحـر ماياته اشكالـي، إليا صفـا طلعـه اللولـو ومرجانـه
وإن اختبط فانهزم لاصـرت له غالـي، لا شفت موجه يلاطـم روس جرفانـه
اقفيـت منـه اشـادي دق خلخـالـي، خلخـال مزيونـةٍ للعيـد طربانه
واسحب جريري ومن شوفه نحل حالـي، مثل الوحـش قذلـوا طُـراف جنحانـه
وعقب التعصب بشالٍ فوق مشوالـي، تاثب وثيب الفهـد لا شـاف غزلانـه
ربعي هل المدح لا من ثـرّب التالـي، جـزارةٍ للمعـادي وسـط ميدانـه
وأقدع شبـا لابته لا ثـار جنجالـي، هم مشعل الحرب لا من ثـار عكنانـه
هم نور وجهي وهم ملبوسـي الغالـي وهم درعي اللي يضم الجوف وأمتانـه
هم سيفي اللي فعوله تطـرب البالـي لاواهنـي مـن يجـود ضمـد قيطانـه
سيفٍ عسى فيه مانعتاض الأبدالـي نحشـم وتدرأ مهابتنـا علـى شانـه
ومني صلاة عـدد ما هـل همالـي علـى الذي شرفـه ربـه بفرقانـه

قصيدة راكان بن حثلين لزوجته

يا فاطري خبي طوارف طميه، إلى زمالك لون خشم الحصاني
خبي خبيب الذيب في جرهديه، لي طالع الزيلان واليل داني
خبي طميه والرياض العذية، وتنحري برزان زين المباني
تنحري لطام خشم السرية، فرز الوغا لي جا نهار الوحاني
آصل أخو نوره لزوم عليه، قبل الحبيب وقبل قاصي وداني
ولي قظيت اللازم اللي عليه، اللازم اللي ماقظاه الهداني
وتذكر المشحون ديران حيه، ومسوا حبال كوارها بالمثاني
الجدي خله فوق ورك المطية، بنحورها يبدي سهيل اليماني
لومي على الطيب ولومه عليه، هو ليه يأخذ عشقتي ما احتراني

قصيدة الله من قلب غدا فيه تفريق

الـلـه مـن قـلـب غـدا فـيه تـــفريق يتلى ضـعـون مـبـعـديـن الـمـنـاحـي

قسم بـتـغريب وقـسم بـتـشــريـق والقـسم الآخـر مـا أدري ويـن راحـي

لي صاحـب مـا فتق البيت بي ويق ولا عـذبـه طـرد الـهـوى والـطـمـاحـي

والله يا لولا افـاهـق الصبـر تـفـهيق وارجي عسى دربه يجيلي سماحي

أبوي يـا حامي عـقـاب المـشافيق لا طــيــر الــذلان ضـــرب الــمـلاحـي

راعي الـدلال بـل وصـايـف غـرانيق الدلال فـيـهـن أشـقـر الـبـن فــاحــي

وحامي حدور الخيل وقت التزاهيق وكـريـم سبلي في ا لليال اشـحاحـي

ذبـاح حـيـل عـلـقـن بـل مـشـانيق حـيل الغنم مـع مسـمـنـات الـقـاحـي

سوقوبها شـقح البكار المـلاهيــق مـثـل الـقـنوف اللي بـها البرق لاحـي

ترى لها رجال قرومن مطاليق كسابت العليا الطيور الفلاحي

قصيدة حمزة مشينا من ديار المحبين

حمزة مشينا من ديار المحبين الله يرجعنا عليهم سلومي

مشوا بنا العسكر لدار السلاطين في مركب جزواه ترك

ورومي عشرين ليل يمة الغرب مقفين ماحن نشوف

إلا السما والنجومي والنوم يا مشكاي ما لاج في العين والقلب

يا حمزة تزايد همومي من الخداعة واحتيال الملاعين

هيهات لو أني عرفت العلومي هيا اركبو من عندنا فوق ثنتين

وخلوا نجايبكم مع الدو تومي لازوعن بالوصف مثل القطاتين

تبغى الشراب ولايعنها السمومي إليا أصبحن كنهن جريد البساتين

نحال من كثر الحفا وارثومي تلفي على ربع عساهم عزيزين

أهل الشجاعة والكرم والعزومي ربعي ضنا مرزوق بالعسر

واللين لطامةٍ للي عليــهم يزومـــي عجمـــان لا رد البرا للمــعادين

حريبهم من هــمهم ماينومــي يوم الخيانة ليت هم لي قريبين

من فوق زلبات تبوج الحزومي وليا تعلوا فوق مثل الشياهين

مر كاظهم يشبع وحوش تحومي نوب سلاطيـن ونــوب شيــاطين

وكم شيخ قومٍ توهم مايقومي يالله ياقابل ســـوال المصـــلين يا اللي له

التقدير في كل يومي انك تثبتــنا على الحق والدين وأنك تروف بحالنا

يا رحومي وعسى مقابيل الليالي لنا زين من عقـــب مانوسن العلـومي

وصلوا على اللي وضح الزين والشين وشيد منار الدين واعلى الرسومي