كلمات أجمل أغاني شيرين عبدالوهاب الرومانسية

تصدرت الفنانة شيرين عبدالوهاب محركات البحث عقب حفلها الأول في الكويت بعد أزمتها الصحية التي تعرضت لها في 2022.

وقدمت شيرين عبدالوهاب عدد من أغانيها الرومانسية، وخلال السطور القادمة مجموعة من أغاني شيرين عبدالوهاب الرومانسية.

كلمات أغاني شيرين عبدالوهاب الرومانسية

1

انا انكتبلى عمر وانت بين ايديا
وحجات كتير كانت بعيده عليا
لاقتها فيك
وانا بين ايديك كل اللى ضاع لاقيته تانى
وهربت ليك من كل حاجه مخوفانى
وجريت عليك

ايامى جبنك عشتها وحياتى بيك كملتها
انا كنت قبلك واحدة ناسية نفسها
قدام عينك انا صعب الاقى كلام اقوله
ده كل حلم زمان كان نفسى اطوله
انا شفته فيك

ازاى اعيش الدنيا لو مكنتش فيها
كلمه حبيبى مش هنادى لحد بيها
غير بس ليك

2

يا ليالي روحي لحبيبي وناديه
وأمانة عليكي تقوليله حالي إيه
من يوم غيابه روحي رايحة عليه
ما نامتش عيوني وإن ناموا بيحلموا بيه

يا ليالي روحيله
عن شوقي وناري أحكيله
يا يجيلي يا إما هجيله
مش قادرة في بعده أعيش
وقوليه كفاية ويخلي لبعده نهاية
مش عايزة أنا غيره معايا
والباقي ما يلزمنيش

زي الليلة دي أنا كنت معاه
وفي حضنه بلاقي كل اللي أنا بتمناه
يا ليالي بقى كده حالي يرضيه
مش بعمل حاجه غير إني بفكر فيه

يا ليالي روحيله
عن شوقي وناري أحكيله
يا يجيلي يا إما أجيله
مش قادرة في بعده أعيش
وقوليله كفاية ويخلي لبعده نهاية
مش عايزة أنا غيره معايا
والباقي ما يلزمنيش

كلمات أجمل أغاني شيرين عبدالوهاب الرومانسية

3

حبيته بيني وبين نفسي
وماقولتلوش ع اللي في نفسي
معرفش إيه بيحصللي لما بشوف عينيه
مابقتش عارفة أقوله إيه
معرفش ليه خبيت عليه
بضعف أوي وأنا جنبه وبسلم عليه

كل حب الدنيا ديا ف قلبي ليك
ده انت أغلى الناس عليا روحي فيك
ده انت لو قدام عينيا اشتاق إليــك

على بالى ولا انت داري باللي جرالي
والليالي سنين طويلة سيبتهالي
يا انشغالي بكل كلمة قولتهالي

حبيته بيني وبين نفسي
وماقولتلوش ع اللي في نفسي
معرفش إيه بيحصللي لما بشوف عينيه
مابقتش عارفة أقوله إيه
معرفش ليه خبيت عليه
بضعف أوي وأنا جنبه وبسلم عليه

الكلام لو كان يعبر ع الحنان
كنت قولت إني بحبك من زمان
كل يوم الشوق بيكبر عليا بان

على بالي ولا انت داري باللي جرالي
والليالي سنين طويلة سيبتهالي
يا انشغالي بكل كلمة قولتهالي

4

انا... أنا كلي ملكك... انا كل حاجه حبيبي فيه بتناديك
انا... انا مش بحبك... الحب كلمه قليله بالنسبه ليك
انت فرحه جت لعندي بعد عمر من التعب
في السعاده الي بعاشها انت السبب
ضحكتك عقلك جنونك والحنان الي ف عيونك
هوصف ايه واحكيلك ايه

انا... أنا كلي ملكك... انا كل حاجه حبيبي فيه بتناديك
انا... انا مش بحبك... الحب كلمه قليله بالنسبه ليك
معاك بضحك وبفرح مبقتش خايفه
ازاي هخاف وانا بين ايديك
ساعات بخيالي بسرح
قبل ما بحلم كل حاجه القيها فيك

السنين هتفوت وتمشي منك انت انا مش همل
بوعدك يا حبيبي عمري شوقي ليك لا في يوم يقل
هبقي فرحك وقت حزنك في التعب تلاقيني حضنك
كل يوم من عمري ليييييك ...
انا... أنا كلي ملكك... انا كل حاجه حبيبي فيه بتناديك
انا... انا مش بحبك... الحب كلمه قليله بالنسبه ليك

5

بكلمة منك
تنسيني اللي عدى قوام
تخليني احس بقيمة الايام
تطمني لسنين قدام

بكلمة منك
توريني اللي مش شايفاه
تريحني من الهم اللي انا شايلاه
تعيشني اللي مش عايشاه

كان فين هواك من بدري يا حبيبي وكل دا فين
دا انا من قبلك انا عايشة مع العايشين
بكلم نفسي م الوحدة بقالي سنين
وانا في ضيقتي مكنتش عارفة اشكي لمين
وطول وقتي وانا بعمل حساب بعدين
ودلوقتي عرفت ابدأ حياتي منين

بكلمة منك
عرفت انا دنيا معرفهاش
عشان خاطرك بحب حاجات محبتهاش
ولو تندهلي بستناك

بكلمة منك
لقيت كل اللي مش لاقياه
ولو في حد زعلني انا مسامحاه
ولو في جرح انا هنساه

كان فين هواك من بدري يا حبيبي وكل دا فين
دا انا من قبلك انا عايشة مع العايشين
بكلم نفسي م الوحدة بقالي سنين
وانا في ضيقتي مكنتش عارفة اشكي لمين
وطول وقتي وانا بعمل حساب بعدين
ودلوقتي عرفت ابدأ حياتي منين