كلمات أشهر أغاني فرقة كايروكي

كلمات أغاني فرقة كايروكي، الذي تصدر اسمهم محركات بحث غوغل خاصة في السعودية، إذ هناك الكثير من أغانيهم التي حصلت على نسبة عالية من المشاهدات، مثل أغنية يا أبيض يا أسود وساموراي.

في هذا التقرير التالي، سنخبرك عن أشهر أغاني فرقة كايروكي، مكتوبة في السطور التالية.

كلمات أغنية ساموراي

ساموراي رحال وقالوا لي محال

دي الدنيا في حال وحبيبتي في حال

عندها جناحات هامسكها تطير

غاوية الترحال وأنا نفسي طويل

جمالها رهيب، ولما تغيب

تسونامي رعد وبرق وجو بيبقى غريب

بس أنا مش خايف، أنا ساموراي

بدل السيف أنا بعزف ناي

راكب أوبر، من طوكيو وجاي

ترفضني إزاي وأنا الساموراي

وهفضل ألف، ألف، ألف

وراكي هلف، هلف، هلف

والدنيا تاخذني تلف، تلف

لحد ما شيب أو عقلي يخف

وهفضل ألف، ألف، ألف

وراكي هلف، هلف، هلف

مهما الدنيا تاخذني هلف

أنا مجنون مش عايز أخف

هفضل رحال ما أعرفش محال

وراكي لو حتى في آخر الدنيا في وسط جبال

في الأصل محارب، بس بغني

ويمكن صوتي يوصل لك أسرع مني

والسكة تهون ويكون ما يكون

لو مئة فيضان أنا هعرف أعدي أجي لك عوم

بس أنا مش خايف، أنا ساموراي

بدل السيف أنا بعزف ناي

راكب أوبر، من طوكيو وجاي

ترفضني إزاي وأنا الساموراي

وهفضل ألف، ألف، ألف

وراكي هلف، هلف، هلف

والدنيا تاخذني تلف، تلف

لحد ما شيب أو عقلي يخف

وهفضل ألف، ألف، ألف

وراكي هلف، هلف، هلف

مهما الدنيا تاخذني هلف

أنا مجنون مش عايز أخف

كلمات أغنية يا أبيض يا أسود

سلسلة وكل حلقة للتانية مسلمه

بلف في دايره ومهما بعدت ارجع هنا

بصيت في مرايتي لقيتها سودا ومضلمه

النفسية بعافية تعبانه مدشمله

حطيت رأسي في سجادتي حكيتله يارب ع اللي جوايا انا انا انا انا

شايل من زمان

انا انا انا انا في قلبي ألف سؤال

اسئله كتير والضمير بياكل ويأنب فيا

زي الحمير حافظ طريقي ومغمي عنيا

وقعت في بير بنده وصدى صوتي مغطي عليا

صوت بيقول ممنوع

وصوت بيقولي امشي ورا النيه

يا ابيض يا اسود قصة حياتي كل حكاياتي

مع اني عادي عادي عايشها في النص رمادي

يا ابيض يا اسود قصة حياتي و كل حكاياتي

مع اني عادي عادي اعيشها في النص رمادي

يا ابيض يا اسود قصة حياتي و كل حكاياتي

مع اني عادي عادي عايشها في النص رمادي

يا ابيض يا اسود قصة حياتي و كل حكاياتي

مع اني عادي عادي اعيشها في النص رمادي

القلب مات مع اللي فات

صرختي صوتها سكات

يأس كسره وإحباط طناش طناش واستعباط

بعاد عن رب العباد شيطان راكبني زي الجواد

درجن درجن روح هناك اروح هناك تطلع سراب

بجري في سباق وانا فيه متساق

والسواق بيدوس بغباء

قطيع والكل بيقول ماء ماء ماء ماء

زهقت يا ناس من النفاق والمجتمع الكداب

جريت على اكبر دولاب

عملت دماغ ودتني هناك

واللي زاد واللي غطا اتلطيت في الدنيا لطه

القطر فات وانا في المحطة وكل يوم تتعاد اللقطة

السكر حراق وشطه والدماغ طلعت اونطه

واللي يغويك يتحكم فيك والغلطة بتجيب غلطه

يا أبيض يا أسود قصة حياتي وكل حكاياتي

مع اني عادي عادي اعيشها في النص رماد

يا ابيض يا اسود قصة حياتي و كل حكاياتي

مع اني عادي عادي اعيشها في النص رمادي

كلمات أغنية نقطة بيضاء

في صوت جوايا بيناديني من بعيد

سامعه عارفه كويس بس أنا عامل عبيط

نقطة بيضا في وسط سواد، إنسان بينادي جماد

هو البراءة والسذاجة وأنا الدنيا الكدابة

عايش معاه في سجن وأنا السجان

معايا مفاتيح كل البيبان لكن جبان

أنا الجاني والمجني عليه

أنا كل الأسباب ولسه بسأل ليه

هو أنا وأنا هو

هو حرب دايرة جوا

جوا مني وبتقتلني

مهما جريت أو هربت

هو أنا وأنا هو

هو حرب دايرة جوا

جوا مني وبتقتلني

مهما جريت أو هربت

جوايا اتنين وأنا التالت

والتالت دايماً ساكت

سلم بطل يتكلم ولا بيحس ولا بيتألم

جوايا عقل وقلب دايماً عايشين في حرب

قلبي حاسس بالذنب وعقلي واخد جنب

و الدنيا ماشية عكسي لفيت ومشيت معاها

وبعت أنا نفسي، نفسي خليتني أنساها

لبست وشوش تانيين ونسيت فالأصل أنا مين

فقلت أرجع من تاني لنفسي اللي بتعاني

هو أنا وأنا هو

هو حرب دايرة جوا

جوا مني وبتقتلني

مهما جريت أو هربت

هو أنا وأنا هو

هو حرب دايرة جوا

جوا مني وبتقتلني

مهما جريت أو هربت

كلمات أغنية هاتلنا بالباقي لبان

لو بكرة نهاية العالم

هنزل أفول عربيتي

وأخذها وأعدي عليك

ننزل نتفسح

مش عارف هنروح فين

هنسوق زي المجانين

وهنركن في الممنوع

ونمشي حافين

ندخل على السوبر ماركت

نسرق تفاحة ونهرب

نتريق على اللي يعدي

وممكن نشرب

ونجيب بفلوسنا سجاير

إللي بطعم النعناع

ونقول له وإحنا بندفع

هاتلنا بالباقي لبان

هناكلها ونعمل صوت

هاتلنا بالباقي لبان

علشان نعمل بلالين

هاتلنا بالباقي لبان

أنا عاوز أكون فرحان

هاتلنا بالباقي لبان

هاتلنا بالباقي لبان

لو بكرا نهاية العالم

هشتري موتوسيكل سباق

وهنمشي مش هنفرمل

هنكسر العداد

هنسجل فيديو أنا وإنت

هنقول إيه مش عارفين

ممكن نحكي فوايد

اللعب مع الدلافين

ونقف قدام السينما

نتفرج على أفيشات

و أحكيلك فيلم أنا شوفته

بطله من أوله مات

ونجيب بفلوسنا سجاير

إللي بطعم النعناع

ونقوله وإحنا بندفع

هاتلنا بالباقي لبان

هناكلها ونعمل صوت

هاتلنا بالباقي لبان

علشان نعمل بلالين

هاتلنا بالباقي لبان

أنا عاوز أكون فرحان

هاتلنا بالباقي لبان

من بكرا مفيش كلمات

كلمات أغنية والله ما عايز

والله ما عايز غير بيت

فيه واحدة الصبح بتفرد ضفايرها

وعيال بتقوم من النوم

تجري عليّ من غير حتى ما تفتح عينها

والله ما عايز غير كوباية شاي

وبوسة حب ورضا بالحال

وجرايد أخبارها عال

وإبتسامات الناس في الشارع

ترجع ثاني زي زمان

وصباح الفل في وشك دايما

من عسكري مهموم تعبان

نفسه يسلم خدمة ويجري

يروح بيته ينام

من كمسري زهقان من الزحمة

من تاكسي في شارع غرقان

والله ما عايز إلا ثلاتة جنيه

ثمن الدمغة وختم النسر

وكوباية شاي لموظف غلبان

والله ما عايز إلا بطاقتي يا ناس

حتى ولو من غير عنوان

والله ما عايز غير الشغل

لا كلام يعني ولا حديت

ولا قالوا وقلنا ولت وعجن وحواديت

ولا زر ونم وهيصة فاضية وتخبيط

قم أوقف وإنت بتتكلم

ضحكة غش وتظبيط

والله ما عايز حد عبيط

والله ما ناقص تنطيط

والله ما عايز بعد الشغل

غير إني أروح

تعبان من الحر وبتطوح

وألقى حبيبة قلبي بتضحك

ولا طراوة بيت بتاحدني ترد الروح

هم الدنيا في لحظة يروح

وألقى عيالي بيجروا عليّ

ويحضنوا فيّ

ياخذوا الشنطة يقلبوا فيها

ياخذوا الحاجة الحلوة ويجروا

وبعد الضهر أقرأ الجرنال

وإنتِ يا أجمل شيء في الدنيا

واقفة بتكوي لي القمصان

وتبصي لي وأنا تعبان

والله ما عايز غير حضنك

وأتغطى وأنام