محمد حماقي يكشف لأول مرة تفاصيل الانفصال عن زوجته لمده عامين

حل الفنان المصري محمد حماقي، ضيفاً في حلقة خاصة برأس السنة مع إسعاد يونس، ببرنامجها صاحبة السعادة.

وخلال الحلقة تحدث حماقي لأول مرة عن تجربة انفصاله عن زوجته ثم عودته لها بعد عامين، وقال حماقي أنهما وقتها شعرا بأنهما لم يبذلا المجهود الكافي في محاولات العودة مرة أخرى على الرغم من عدم وجود أطفال.

أضاف إنه كان يدرك جيدا مشاعره تجاه زوجته حتى بعد الانفصال وإنه متمسك بها، قائلا: "بعد الانفصال إحنا الاتنين لقينا إننا معملناش كل المجهود اللي المفروض يتعمل، فقولنا ملوش معنى خالص الانفصال".

وأكمل حديثه قائلاً: "دليل كبير أن يفوت سنتين من الانفصال، وده مش وقت قليل ومكناش لسه خلفنا يعني سهلة أوي إننا منرجعش، ومفيش حاجة ترجعنا أصلا".

أضاف: "بس رجعنا في النهاية، وأنا الحقيقة بحب نهلة جدا من كل النواحي، بحبها بعقلي ومقتنع جدا وبمشاعري، الحمد لله أن إحنا رجعنا لبعض تاني".

كشف حماقي لأول مرة السبب وراء تغييره محل إقامته من مدينة نصر إلى مدينة السادس من أكتوبر التي تبعد عن القاهرة، وقال أنه فعل ذلك لكي تكون زوجته قريبة من أسرتها وأصدقائها.

وقال في حديثه: "الانتقال من مدينة نصر لـ 6 أكتوبر مكنتش أتخيل إني هعمله أبدا، لأن أصل سكان مدينة نصر جم من مصر الجديدة، أنا أبويا وأمي كانوا من مصر الجديدة لما نقلوا راحوا المدينة الجديدة اللي هي مدينة نصر، فطبيعي نقلتي أنا تبقى للتجمع".

وتابع حديثه: "في مثل لذيذ بيقول (سألوا جحا بلدك إيه يا جحا؟ قالهم بلدي اللي فيها مراتي).. وأنا مراتي أهلها من سكان الزمالك، وأخواتها البنات لما اتجوزوا راحوا أكتوبر ومامتها نقلت أكتوبر".

وأضاف: "أنا بقيت ما بين إني أعزل نهلة عن مجتمعها كله مش بس أخواتها ومامتها، ده صحابها كمان، فأنا لو خدتها التجمع أبقى عزلتها تماما".

وأكمل حديثه: "وأنا بتحرك وبسافر كتير وهيبقى في أوقات كتير أنا مش موجود، حسيت أن هيبقى فيه ظلم، الأسهل إني انقل أكتوبر وأنا حركتي هتبقى أسهل، فده ليها ولراحتي، لأن فكرة أنها تبقى قاعدة زهقانة أو قاعدة لوحدها ده هيبقى مؤرق يعني".

 

 

 

 

View this post on Instagram

 

 

 

 

 

 

 

 

 

 

 

A post shared by Mohamed Hamaki (@hamaki)