محمود عبد المغني يحذر من لعبة البوكيمون.. ستحولكم إلى مجموعة من الجواسيس!

مع النجاح الكبير الذي تحققه لعبة "البوكيمون" يوماً بعد يوم، قرر النجم المصري الشهير محمود عبد المغني أن يحذر الشباب مما يرى أنه مخطط ضد البلاد العربية.

ونشر عبد المغني عبر صفحته على موقع التواصل الاجتماعي "فيسبوك" مجموعة من الكلمات لشرح هذه اللعبة قائلاً:"الكلام ده جايز يبقى صح خدوا بالكم ومنقول عن الغير.. بوكيمون اللعبة دي نزلت جديدة وعملت روشة في العالم كله بين يوم وليلة.. طبعا لما حاجة تظهر وتعمل الضجة دي كلها مع إنها لعبة عادية جداً يبقى في حاجه مش مظبوطة.. إللي مش عارفها هي عبارة عن لعبة بتدور على بوكيمون وعملات وحاجات كده على أرض الواقع بتمشي بالكاميرا بتاخدك بالخريطة لأماكن كتير تجبرك تمشي فيها.. طب فين الخطورة في كده"

وأكمل حديثه"أنت ببساطة بقيت جاسوس مجاني ولا محتاج تدريب ولا محتاج شغل ده أنت بتصور كل الدنيا حواليك وبتنقلها على طبق من فضة.. طب مسألتش نفسك ليه اللعبة ممنوعة في بلاد معينة ولازم تعمل سيرفر أو بروكسي vpn عشان تعرف تحمل اللعبة ؟.. ناهيك عن الشرطة الأسترالية اللي نزلت تحذيرات كتير عن إنها ممكن تسبب حوادث كتير لأنك ماشي في الشارع سرحان ومركز في الموبايل إنك ممكن تخبط في أي حاجة وأى حد يخبطك طبعا إحنا في مصر موبايلك هايتسرق أكيد والحرامي هيقولك شكرا على حسن تعاونكم معنا وهو بيشده منك.. أنت مبتلعبهاش لوحدك هتلاقي بعد كده ملايين بتلعبها.. السيرفرات والخرايط دي كلها بتتربط ببعض بعد كده وبتكمل كل الصورة صوت وصورة لتصوير كل الأماكن الحيوية والخاصة".