3 مواقف اتبع فيها ويجز فن اللا مبالاة في الرد على الانتقادات

خلال مشوار ويجز الفني القصير، وتحقيقه لنجاحات كبيرة، جعلته واحد من مطربي الصفوف الأولى، واجه العديد من الانتقادات، سواء من الجمهور أو من زملاءه بالوسط الفني، لكن ما لفت الانتباه دائماً هي ردود فعل ويجز على الانتقادات، حيث تحلى بخفة ظل ولا مبالاة ملحوظة، ما أثار إعجاب بعض متابعيه وانتقاد البعض الآخر.

رد ويجز على انتقادات أغنية كيفي كده

في الوقت الذي أثير فيه الجدل حول كلمات أغنية ويجز "كيفي كدا"، ظهر ويجز في مقطع فيديو ساخر ليرد على الانتقادات بطريقة أثبتت أنه غير مكترث بالمرة، حيث قال بشكل جاد في بداية مقطع الفيديو "بشكر الناس اللي شجعتني وعجبتها الأغنية وحابب اتكلم عن الناس اللي انفعلت عليا بسبب جملة باجي وفي إيدي الرضعة عشان أغدي النونة، أنا شخص صريح مع نفسي، وبعمل تراكات عن الحاجات اللي مضيقاني، وكيفي كدة هي أغنية بتتكلم عن الجزء المرح في حياتي".

ثم انفعل ويجز بشكل ساخر قائلا "أنتم محدش فيكم فكر في النونة ولا فكر يغدي النونة، غير كدة ده بيني وبين النونة محدش يتدخل ما بينا".

"انتو محدش فيكم فكر فالنونة محدش فكر يغديها، ده بيني وبين النونة محدش يتدخل"
- رد ويجز على انتقادات كيفي كده.. pic.twitter.com/kYWKBm2NoS

— ~ (@RapTrend_) November 23, 2021

رد ويجز على انتقادات رامي صبري

بعد انتقاد المطرب رامي صبري لموسيقى ويجز بأنها مقتبسة من موسيقى أجنبية، ظهر ويجز بهدوء شديد في مقطع فيديو ليرد عليه، قائلاً "أنا بتعرض لانتقادات عديدة ولا أتعامل مع ذلك بحساسية، ومؤمن بحرية التعبير عن الرأي" وأضاف "الكلام مزعلني لأنه طالع منك، والمفروض إنك شخص مختص، محدش ياخد عني فكرة من أغنية واحدة ويدخل يسمع باقي الأغاني اللي قدمتها ويشوف ويفهم اللي أنا بعمله".

كما ظهر ويجز في مقطع فيديو آخر عبر إنستغرام وقال بدون ذكر أسماء "هو الفنانيين مينفعش يطلعوا في برامج يتكلموا عن نفسهم، لازم اسمي يتحط في جملة مفيدة" وأضاف "ما تبص في ورقتك".

"بكتب وبلحن لنفسي".. ويجز يرد على انتقاد رامي صبري 👀🚨 pic.twitter.com/UJkQiWqwnb

— راب سين - Rap Scene (@RapSceneAr) December 13, 2021

رد ويجز على انتقادات أغنية "أميرة"

في عام 2022، وبعد صدور أغنية "أميرة بالتعاون مع آش، واجه ويجز انتقادات شديدة، ليرد بظهوره عبر خاصية الاستوري على إنستغرام في مقطع فيديو، قال فيه "بلاش الجهاد، اللي هو أخش أقولك تعمل إيه ومتعملش إيه في حياتك، ده شيء غريب جداً بجد، انبسطوا وخلوني أنبسط".