أجمل قصائد تركي الميزاني مكتوبة كاملة

مقالات ذات صلة

أجمل قصائد كامل الشناوي مكتوبة كاملة

أجمل قصائد أبو نواس مكتوبة كاملة

أجمل قصائد البحتري مكتوبة كاملة

تركي بن عطا الله بن شامان بن سميليل الميزاني المطيري، والمعروف باسم تركي الميزاني، هو شاعر سعودي، وأحد أشهر شعراء فن المحاورة في السعودية. نشأ تركي الميزاني في بيئة شعرية، حيث كان أبوه وجده يكتبان الشعر مما مهد له كتابة الشعر في سن مبكرة. وفي هذا المقال نستعرض أجمل قصائد تركي الميزاني مكتوبة كاملة.

قصيدة بداية خاطري

قصيدة بداية خاطري من أجمل قصائد تركي الميزاني وتقول:

على الله يا بداية خاطري يا عاصمة دنياي، على الله يا الحروف التايهة في نظرة التايه
على الله يا الطريق اللي معاريفك تعب رجلاي، على الله يا مسافر في طريق ما له نهاية
إلا يا الليل لا تسري ولا تشره على مسراي، دخيلك لا تقدم شرهتك من دون مسراية
علشان الحبيب اللي يسابق نظرتي وخطاي، على نفس الطريق اللي من أجله تعبت خطايا
ترجيتك تساعدني وأنا ما أندم على رجواي، إذا شفتك توادع ضيقتي وتعانق رضايا
وأنا اخترتك رفيق الدرب في صمت السنين الجاي، ولا اخترتك لين أصبحت لي أعز اخويايه
وأنا ما عشت وقتي يا زماني بين رأي ورأي، أنا عشته على عز ورضيت بحكم مولايه
ولا اطرد من سراب الوقت ما يخفى علي مناي، أعيش الواقع الحاضر لعين أيامي الجاية
مدام ان البحر ملك وهمسات النسيم أسراي، عليه من حزامي ما تفك أيديني الراية
كذا ولا كذا خاتم ملاك الفكر في يمناي، يطيب بقربها قلب الصديق وتجرح عدايا
وأنا في اللي ورثته ورث لا بايع ولا شراي ومثلي في الوصاية ما يبي له هرج ووصاية

قصيدة يا الشعر

يا الشعر فرشتك من الجوهر ولبستك لباس، وصنتك صيانة دايمة في ذاكرة عقلن ذهين
وطرقت بك باب التغزل والنصايح والحماس وطرقت بك باب المدايح بالرجال الطيبين
كم قست من غبت بحر واملك بحور ما تقاس وفرضت سيطرتي على الأشعار والمستشعرين
وإذا حصل في مفرداتي ما يسمى الاقتباس، انا أقتبس من حكمة العقل ومن رياض الصالحين
وهو التقدم بالقصيد الجزل ما رضى الانتكاس، ولا تدخل دون داع في شؤون الآخرين
وإذا دعى الموقف حفرت لقمة الإشعار ساس، على الجبال الصم مابنيها على صبخه وطين
أقيسها في خاطري وأحط للفكرة اقياس، وابدي وعالج لي قضايا عالما متعددين
واخدم بفكري ما اختلس من فكرة الغير اختلاس، واصبر على كل المصايب يا معين الصابرين
وأنا أتألم من قضايا ناس وأفكر بناس، وأحزن إذا شفت التفكك في صفوف المسلمين
أصل التفكك في قوانين الجهاد أكبر عكاس، واصل التكاتف عزز الإسلام في بدر وحنين
واللي غمرني بالسرور ما صالحت فتح وحماس، بأرض السلام اللي تخاطفها إيدين العابثين
الهم سنين مع المعارك والعنا والابتاس، عاشوا معاناة حقيقية لها يندا الجبين
مضت عقود من الزمن ما صابهم خيبة ويأس، رغم انخفاض الاقتصاد وبالحجر متسلحين
لكن بعد هذا التكاتف صار فالوضع انعكاس، صارت فتنهم بينهم بمشاورات الحاقدين
واللي دعاهم لتفاهم لين زال الالتباس، خادم بيوت الله زعيم العرب عون المتسعين
فأطهر بقاع الأرض ساواهم على العلم الأساس، لين انتهوا بمفاهمات الصلح والعلم اليقين
رأي يكفي من صليب الرأس ويدخل كل رأس لشعوب العرب والقادة المتحمسين
مبادرة من خادم البيتين قبل الانغماس، في مشكلة تسعد بها الكفار والمسلم حزين
حيوا مليك المعجزات اللي على الإخطار داس، وصلوا على طه النبي خاتم جميع المرسلين

قصيدة لي صاحب قدره على الرأس والعين

لي صاحب قدره على الرأس والعين، اللي عسا المولى يطول حياته
حرن كريم ومن رجال كريمين، قليل فالعالم يسوي سواته
بالطيب والنوماس والمذهب الزين والعرف والتقدير هذي صفاته
شاهر ليا عدو زحول السلاطين، اسم يسجل فالوفا ذكرياته
في مجلسه تلقا هل العلم والدين، أهل الشريعة والنقا والسماته
يا ناشد عني مروح على وين، الدرب واضح ما نضيع جهاته
منصاي من شوفه يساوي الملاين، شيخ حفظ دينه وصلى صلاته
ابن جزا شاهر زبون المخلين، لا طيب من قبله ولا طيب فاته
أقبل سلامن مرسله تركي ألفين، ببيات من شعره ومن مفرداته

قصيدة ما نيب مجازيك

ما نيب مجازيك في صدك وهجرانك، ودعتك الله وتلقى واحد ثاني
أتعبت الأعيان والأقدام من شأنك، وأنت ولا شيء سويته على شاني
فزيت لك يوم قلت اسمك وعنوانك، لو كان ما تنتمي لاسمي وعنواني
ما جيت أدورك ولا أطق بيبانك، وإلا ترجاك مثل فلان وفلاني
أنت الذي جيت لي وأعلنت بلسانك، أنك على شوفتي جايع وعطشاني
صدقت هرجك ومنطوقك من لسانك، وأقبلت لك مندفع من كل وجداني
ما كنت أفكر يجي في يوم نسيانك، وأنساك وأنت معاهدني ما تنساني
إلا بعد ما قريت الكذب في أعيانك، حاولت أوادعك وأنسى كل ما جاني
خلاص ما نيب متعني على شانك، ودعتك الله وتلقى واحد ثاني

قصيدة السلسال

قصيدة السلسال من أشهر قصائد تركي الميزاني وتقول:

على الهون يا جرح المفارق وضيق البال، على الهون يا هم (ن) سطا بي وقدرته

أعزك لو أنك جرح ومجاهدك قتال، وروضت جسمي لأجل سقمك صبرته

لأجل من ملك قلبي من الجال لين الجال، وفجيت له باب عن الناس سكرته

وحطيت له عن شمس قيظ الغرام إظلال وشيدت له بيت بقلبي وعمرته

عشقته ودللته وجريت له موال، وتخيرت قربه ليتني ما تخيرته

رعي ريف قلبي لين صار الحشا مدهال وعن مدهله جنبت غيره وذيرته

سقيته من عدود الغلا والغرام زلال، بعد ما جذب من دم قلبي وصدرته

أداري عليه من الزعل وازعل العذال وخطاه ان كبر في عين غيري تصاغرته

ترافقت انا وياه من يوم كنا أطفال، تكون غلاه بوسط قلبي وكبرته

قبل ما يغطي ليله المنتثر بالشال، سرقت الكرى من نون عينيه وسهرته

نقش كل حرف من حروفي على السلسال، تباهى بها وأغاظ ناس مجاكرته

وكتبت القصايد في عيونه علي الآمال، وليا مرني صوت النواخذ تذكرته

تكاثر علي الله يجازيه كيف الحال وأنا يوم أسوق العمر له ما تكاثرته

وبعد كل ها التقدير والحب والإجلال، تغير وهقواته عليه مغيرته!

لبسته ثياب الغطرسة لين جا يختال، وكبر في عيونه يوم الأوهام غررته

وإذا السالفة ضحك ومهازل ولعب أطفال، خبطت الغصن لين أبرق الريش طيرته

خلصنا وقفلنا الصناديق بالأقفال، ومن جور حكمه كامل القلب حررته

قصيدة يا صاحبي

يا صاحبي ولي خلق نعمة السمع، إنك هنا بين المعاليق ثابت
ما جيت لك صدفة ولا جيت لي رمع وإن غبت عني فرحتي معك غابت
غيري عبث بالحب بسياسة القمع، لكن لا ودت ولا يوم جابت
إلا محبك من عشق يحسن الجمع، ما شاب حبه لو قوافيه شابت
والدمع هذا اللي تشوفه ما هو دمع، أشعلت عيني لأجل أشوفك وذابت
واللي نزل منها على خدي الشم، أرقد مادام الشوق فالقلب نابت

قصيدة الخلطة السرية

قصيدة الخلطة السرية من أشهر قصائد تركي الميزاني أيضاً وتقول:

يا عذابـي منـك يا موتـي ويا حرمـانـي، بالله تخفـف عنـي اللـي فيـه
من عذابي وشهور اللي باقـي ما جانـي، في عيوني من عذابـك صايـر مارية
وأنت تعـرف كـل ما تحتاجنـي تلقانـي، يشهـد الله عنـك ما تقـدر تشـح يديـه
بـس تكفـي لا تعذبـنـي ولا تنسـانـي، ضمني يا نور عيني فـي حشـاك شويـة
كـل ما شفتـك تدخلنـي بعالـم ثـانـي، عين تنظر لك بشـر والثانيـة حوريـة
فيك شيطان الهـوى يا سيـدي وصانـي، بالغـلا والولـف والتقديـر والحنـيـة
والقصيدة اللي بغيتـه فيـك ما يعصانـي، يتباشر في وصـوف عيونـك السحريـة
يا وجودي لـو أشوفـك يا بعـد خلانـي، يشهد الله لحذف الغتـرة مـع الطاقيـة
كيف أنا المجني عليه وكيف صرت الجاني، لعنبوا حظك ضبطـت الخلطة السريـة
لين من حبك ومن طيشك نسيت إخواني، صرت أجـي وأروح لا هذي ولا هذيـه
والهوى هو حاكم شعوري وهو سلطاني، لا حصل لـي منـه لا رحمة ولا ماوية
أشهد أنـه راح فيهـا تركـي الميزانـي، ومن يكذبني يعـرف الخلطة السريـة