أحمد مكي: كلمات أبرز أغانيه
أحمد مكي، فنان شامل فهو مطرب ومغني وكاتب أغاني وممثل ومخرج، يتميز باختياره الدقيق لكلمات أغانيه ويحاول إرسال رسائل لتوعية الشباب من خلالها ومن أشهرهم أغنية قطر الحياة التي حققت صدى واسع بين الجيل الحالي.
فيديو ذات صلة
This browser does not support the video element.
إليك كلمات أبرز أغانيه مكتوبة باللغة العربية.
كلمات أغنية أغلى من الياقوت
يوم ميلادك يوم ما للدنيا أنت جيت
أول علاقتي بيك صوتك ما بيني و بينك حيط
سمعت صوتك استغربت اتلخبطت اتشديت
قلبي اتنفض ما بين ضلوعى ومن الفرحة بكيت
أول ما شوفتك الدنيا لفت بيا ربى حبنى و وهب ليا من عنده هدية
سرحت فيك ساعات فيك منى كتير حاجات يارب تاخد منى بس الحلو فى الصفات
وفي وسط زحمة فرحتي فجأة هجم سكات مخلوط
صور أبيض في أسود من اللى عيشته ومن اللي فات
يمكن عشان الضلمة فى طفولتي كانت أكتر من
نور عيل صغير قال بسم الله و قام يعدي فى بجور
مش شايف شط أو ميناء لاخر البصر مفيش أمل
كان نفسى فى حد يعلمني وينصحني و يبقالي المثل
ربك حمانى واتولانى برحمته مافيش جدل
بعد ما كل سكة اتسدت وأسودت والباب قفل
يا رب يا كريم اهدينى وقوينى ووفقنى لسكة تربيته على الشيء السليم
عارف إني مش مثالي بس طمعان في كرمك تخلي حاله أحسن من حالي
وأنا أوعدك يا رب ححاول أبقى أحسن أب
واديه اللي ما شوفته فى نهر طفولتى اللي نضب
كل يوم بيعدي وأشوفك فيه بتكبر يتفاجىء إن صفاتي بتظهر فيك أكتر وأكتر
ابتسامتي و ضحكتي و المشي وحتى تكشيرتي
حتى نومتك رجل فوق رجل دي نسخة من نومتي
قبل وجودك الدنيا ما كاتش فارقة معايا
قلبي دة كان خلاص قلب حجر دي مش كناية
جلدي تخن من قسوة الدنيا و مر الحكاية
بقيت زعلان على الشخص اللي شايفه فى المراية
لحد ما أنت جيت غيرتني و كنت الهداية فتحت بإيدك كل أبواب الرحمة جوايا
لما بحضنك وأحس دقة قلبي جنب قلبك مية في المية ما حبتش فى الدنيا قبلك
لما بحضر أول مرة ليك في أي حاجة قلبي بيرفرف وأحس بألف حاجة و حاجة
احساس غريب جزء منى اتحول انسان بيزعل و بيفرح و بيزرع جوايا الحنان
خايف عليك من الدنيا يا ابني مالهاش امان
وبدعي ربنا يحميك و يصونك هو الرحمن
كتبت رسالة ليك عشان لو قدري وقته حان
ومش مكتوبلي اكون جنبك لاخر الامتحان
عاوزك تكون صاحب عزيمة فولاذ حديد مهما الدنيا تحبطك صمم خليك عنيد
خليك واثق فى نفسك عن حلمك اياك تحيد
مهما أسود الليل وطال هيطلع فجر جديد
عاوزك لربك شاكر وجهد الناس تقدر وأوعى تظلم مهما كنت قادر ربك اقدر
أوعى تفضح عيب انسان لو ربك ستر كما تدين تدان ما تضمنش القدر
لو قولت كلمة حق و الناس قامت عليك كإنهم قالولك مبروك تسلم ايديك
عشان الكلب الميت ضربه مش مطلوب لكن لو كان شجر مثمر بيتحدف بالطوب
لو يوم ذنوبك تقلت ارجع لربك توب ربك لو حبك هيحبب فيك كل القلوب
ساعات بسرح وبسأل نفسي والدماغ تفكر يا ترى هتبقى فعلا ضهري لما اكبر؟
لما العجز يبدأ ينهش فيا ويجور عليا فى عز احساسي بضعفي هيكون قلبك عليا؟
لما اللسان يتقل والكلام يصبح بطيء
واعيد نفس الكلام أكتر من مرة ارجوك تطيق
ياما طلبت مني أعيد حكي الحدوتة كتير وفى كل مرة أعيد لك قلبي كان بيطير
لما تلاقيني قدمت ومش مواكب عقل جيلك
ما تركنيش لجهلي علمني من غير ما اجيلك
خليك عينيا نورلي طريقي لمنتهاه وأفتكر إني من علمك معنى الحياة
لما أبطل أقدر امشي لوحدي خطوتين
لما أكون اضعف من إنى أقدر أشرب من غير معين
لما تموت الذاكرة وبالعافية اعرف انت مين
وجودك جنبي كفاية لحد ما يجيني اليقين
كلمتين هقولهم عندي اغلى من الياقوت
كنت معاك يوم ولادتك عاوزك جنبي يوم ما أموت
كلمات أغنية قطر الحياة
في كل لفة عقرب ساعة عمري بيتسرسب بيعدي
الناس والدنيا بتتغير حتى الحديد بيصدي
وأنا الوحيد واقف مكاني ثابت
في ناس اختارت سكة صابت ناس تانية اختارت سكة خابت
إحساس قاسي وصعب لما الناس تشوفك فاشل
أبوك وأمك وأخواتك وصحابك شايفينك عاطل
قوم يا ابني اسعى وحاول والله غلبت أحاول
ياما حاولت وقبل الجون ما يجي يطلع فاول
ماعنديش مهارة وحتى كوسة
وحوستي حوسه
ودوست بعد آخر البنزين بدوسه
في كل مقابلة شغلانه يتقالي لف نفسك بشهادتك
مدد بجنب أي حيط وخدلك بوسة
رجعت فلاش باك حسبت سنين عمري ٣٠ سنة لقيت
حسبت تاني وتالت واتخضيت
ببص في المرايه كام شعرايه بيضة لقيت
وأبويا هو اللي لسه بيصرف ع البيت
بتعامل من عيلتي على اني عالة وحالتي حالة
ثقتي بنفسي راحت النجاح بقى استحالة
نفسي أهرب من نفسي ومن حالتي ومن عيلتي ومن الدنيا
نفسي ألقى دنيا تانية اهرب ليها لو حتى ثانية
وفي يوم قالهالي صاحبي واللي يدلك ع الطريق
مايفدش صاحب غير صاحبه اسمع من الصديق
قالي في قعدة ضرب حلوة بالليل عاملينها
سألته هاش ضحك قالي بيسه قولتله لادمنها
قالي ماتخافش مش ممكن تدمن من أول شكه
أقنعني بالليل فعلا شكيتلي أول شكه
مفاصلي ساحت وارتاحت وروحي راحت
بكلم نفسي من جوه وبرغي من بره ساكت
همومي شبه تاهت والرؤية باهت في باهت
كل مشكلة كانت عندي في الدنيا ماتت وتاهت
عدت ساعات في ثانية لقيت الصحبة قايمه
دخلت بيتي وش الفجر عيلتي كانت نايمة
دفنت نفسي تحت البطانية جسمي متلج
نمت في أقل من ثانية نومة واحد متبنج
قطر الحياة بيعدي بسرعة سنة فـ سنة فـ سنة
وانا زي ما انا من لما كان عندي سنة
هي هي الحياة هو هو أنا
أنا زهقت طهقت من الحياة تقدر تقول مليت أنا
صحيت وفقت رجعت تاني للواقع والعكننه
عدى النهار بطيء كأنه كام شهر وسنة
نفسي النهار يعدي بسرعة واضرب تاني
أرجع ملك زماني بعيد عن العالم اللي رماني
خلوني أضرب معاهم كل يوم وبتعزم
خلاص دخلت السكة والطريق بيترسم
فاجئني صاحبي في يوم قالهالي في وشي خف تعوم
أجيب فلوس منين ليا وليك نضرب كل يوم
شخشخ جيبك يا من قعدتنا دي تكون محروم
من النهارده مفيش ضرب ببلاش مفهوم
مفهوم
روحت وتاني يوم في معاد الضرب جسمي اتكهرب
كرابيج في ظهري ومناخيري سايله وبتسرب
عاوز أضرب
منين أجيب فلوس منين أجيب فلوس
بدأت أستلف من كل اللي اعرفه وأدوس
وحتى أخواتي خدت منهم ياما فلوس دروس
كله كرهني وبيهرب مني تقلت ع النفوس
خمسين جنيه في خمسين في مية في مية
بسرق يوماتي فلوس من البيت وكله شك فيا
نزلت بعت كل حاجة جاتلي في يوم هدية
خلصت فلوسي لحد في يوم ما جتلي فكرة هي هي
دهب أمي موبايل اختي لاب توب اخويا
سرقتهم نزلت اهرب من البيت وقفني أبويا
حاول يمنعني مسكني من إيدي جامد زقيته
اتخبط في الحيط وبصلي ازاي ابنه وأذيته
خد مني كل حاجة وتربس الباب غضب
ساعتها طلبت أغرب حاجة ممكن تتطلب
عاوز فلوس حالا يا إما هرتكب جريمة
أتهمني بالجنون وأداني كام شتيمه
بيبان كل الأوض بتتفتح عيلتي بتتفرج
لسه بيستوعبوا يمكن ده جد يمكن بنهرج
سحبت بنت اختي ٣ سنين ناحية شباك
هاتوا الفلوس لارميها فجأة زاد الإرتباك
أمي بكت بحرقة قدامي فوقت لثواني رميتلي
فلوس وبصوت عالي ماشوفش وشك تاني
امشي مالكش أم يا أبغض من شيطاني
خدت الفلوس وجريت عارف مش راجع بيتي تاني
قطر الحياة بيعدي بسرعة سنة فـ سنة فـ سنة
وانا زي ما انا من لما كان عندي سنة
هي هي الحياة هو هو أنا
أنا زهقت طهقت من الحياة تقدر تقول مليت أنا
خسرت كل أهلي وصحابي بقيت وحيد
ومنين هجيب فلوس لازم ألقى طريق جديد
فجأة افتكرت جار من سني ساكن لوحده طول عمره
أبوه في إعارة بره مصر وشهري فلوس يبعتله
شديته زي ما اتشديت أنا لنفس الطريق
لقيت مصدر فلوس جديد وبيت ولقيت صديق
نضرب سوى بفلوسه وفي بيته مالناش ظهور
شقى سنين أبوه خلص كله في ٤ شهور
وفي ليلة بنضرب جتله مكالمة ماصدقهاش
أبوه عرف إن ابنه بيسرقه اتنقل إنعاش
كل عصب في جسمي اتوتر زودت الجرعة أكتر
الجرعة المعتادة خلاص ما بقتش تأثر
شريط حياتي بيتعرض قدامي أخبر في أخبر
ضربت السم في عروقي زودته أكتر وأكتر
نفسي أفنى وأخلص من الدنيا زي المايه اتبخر
كمان زودت سنه جسمي كله اتلون أصفر
صاحبي اتفزع قام واتسرع مالك أصفر ليه يا جدع
جسمك عرقان وبتترعش زي اللي من الحية اتلدع
رغم إني غرقان في العرق جسمي متلج موجوع وجع
من خضتي جيت اصلب طولي جسمي ع الأرض اترزع
جسمي رافض لكل أمر مني القوة اتهدت والدنيا
بتضلم تديرجي واحدة واحدة اسودت
آخر لقطة في حياتي شوفتها كانت مأساة
صاحبي مرعوب وبيراقب فراقي للحياة
قطر الحياة بيعدي بسرعة سنة فـ سنة فـ سنة
وانا زي ما انا من لما كان عندي سنة
هي هي الحياة هو هو أنا
أنا زهقت طهقت من الحياة تقدر تقول مليت أنا
عمري بسرعة انتهى
رجعت شريط حياتي مالقتش في حاجة عدله تتذكرلي عملتها
حياتي راحت مني كلها ضيعتها
ندمان على كل لحظة غامقة في يوم انا عشتها
يا رب أديني فرصة تاني أرجع للحياة
همشي في طريقي صح لحد آخر منتهاه
دي حاجة صعبة فعلا إنك تختفي من الدنيا
كلمات أغنية أيام زمان
دكتور بھيج
أيام زمان بتمثلك إيه
أيام زمان
يا سلام على أيام زمان
أنا عايز اقولك
إن جسمى بينتابه القشعريرة لما اتذكر أغنية أطفال من أيام
زمان أو حتى كارتون قديم
فين كعبول اﻵكول
فين اليس الأبيض
دا دا
دا حتى كابتن ماجد كان بيجيب الجون في ست حلقات
وبحب كمان ماوكلي فتى اﻻدغال
وجرانديزر
والباور رينجرز
والسنافر
واخص بالشكر السنفور المفكر
ﷲ فاكرة حضرتك اﻻغنية دي دي ھم المم
ھم المم
أغنية رائعة بدل وفوق الرائعة أيضا
عندما اسمع ھذه اﻻغنية لعابي بيسيل
لإني بتذكر أمي ﷲ يرحمھا وھي بتأكلنى البليلة وبتغنيھالى
كت أيام
كنتي بتاكلى الخصاية بترتوي
دلوقتى بتاكلى التفاحة على إنھا خياراية ﻻيحة
اسمك إيه آﻻء
اسمھا إيه
آﻻء
اسمك حلو أوي يا آﻻء
اسمك آﻻء إيه
آﻻء طلعت
آﻻء إيه طلعت
شاطرة أوي
أنتى عندك كام سنة يا آﻻء
2.5
3 اييم
قولى عروستى بصوت عالى يا آﻻء
عروستى
انا انا انا ابريق الشاي
تيجي كده بوزه
اصب الشاي وارجع كده
توت توت توت توت توت توت تووت
والناس ماتفتكركش بحاجة حلوة لوجه الله