كلمات أجمل أغاني الحب لأم كلثوم
قدمت كوكب الشرق أم كلثوم، الكثير من أغاني الحب، وبالتزامن مع عيد الحب الذي يحتفل به العالم في 14 فبراير من كل عام خلال السطور القادمة أجمل أغاني الحب لأم كلثوم.
فيديو ذات صلة
This browser does not support the video element.
كلمات أغاني الحب لأم كلثوم
1
طول عمرى باخاف من الحب وسيرة الحب
وظلم الحب لكل أصحابه
واعرف حكايات مليانه آهات
ودموع وأنين
والعاشقين دابوا ما تابوا
طول عمرى باقول
ولا قلبى قد عذابه
وقابلتك انت لقيتك بتغير كل حياتى
ما أعرفش ازاى حبيتك ما أعرفش إزاى ياحياتى
من همسة حب لقيتنى باحب وادوب فى الحب
وصبح وليل على بابه
فات من عمرى سنين وسنين
شفت كتير و قليل عاشقين
اللى بيشكى حاله لحاله
واللى بيبكى على مواله
أهل الحب صحيح مساكين
ياما الحب نده على قلبى، ما ردش قلبى جواب
ياما الشوق حاول يحايلنى واقول له روح يا عذاب
ياما عيون شاغلونى لكن ولا شغلونى
إلا عيونك انت دول بس اللى خدوني وبحبك أمرونى
أمرونى أحب لقيتنى باحب وأدوب فى الحب
وصبح وليل على بابه
ياللى ظلمتوا الحب وقلتوا وعدتوا عليه قلتوا عليه مش عارف إيه
العيب فيكم يا فى حبايبكم أما الحب ياروحى عليه
فى الدنيا ما فيش أبدا أبدا أحلى من الحب
نتعب نغلب نشتكى منه لكن بنحب
ياسلام ع القلب وتنهيده فى وصال وفراق
وشموع الشوق لما يقيدوا ليل المشتاق
يا سلام عالدنيا وحلاوتها فى عين العشاق
يا سلام يا سلام علي حلاوتها، يا سلام يا سلام
أنا خدنى الحب لقيتنى باحب وادوب فى الحب
وصبح وليل على بابه
ياللى مليت بالحب حياتى، أهدى حياتى إليك
روحى، قلبى، عقلى، حبى، كلّى ملك ايديك
صوتك، نظراتك، همساتك، شىء مش معقول
شىء خللى الدنيا زهور على طول، وشموع على طول
الله ياحبيبى على حبك وهنايا معاك
الله يا حبيبى يا حبيبى الله الله
ولا دمعة عين جرحت قلبى ولا قولة آه
ما بقولش فى حبك غير الله
الله يا حبيبى على حبك الله الله
من كتر الحب لقيتنى باحب وأدوب فى الحب
وصبح وليل على بابه
أجمل كلمات أغاني الحب لأم كلثوم
2
الحب كده وصال ودلال ورضا وخصام
اهو من ده وده الحب كده مش عايز كلام
الحب كده
حبيبي لما يوعدني تبات الدنيا ضحكالي
ولما وصله يسعدني ما افكر في اللي يجرالي
ينسيني الوجود كله ولا يخطر على بالي
ولما طبعه يتغير وقلبي يبقى متحير
مع الافكار ابات في نار وفي حيرة تبكيني
وبعد الليل يجينا النور وبعد الغيم ربيع وزهور
اهو من ده وده الحب كده مش عايزه كلام
الحب كده
حبيب قلبي يا قلبي عليه ولو حتى يخاصمني
ويعجبني خضوعي اليه واسامحه وهو ظالمني
وبعد الغيم ما يتبدد وبعد الشوق ما يتجدد
غلاوته فوق غلاوته تزيد ووصله يبقى عندي عيد
وبعد الليل يجينا النور وبعد الغيم ربيع وزهور
اهو من ده وده الحب كده مش عايزه كلام
الحب كده
يا سعده اللي غرف مرة حنان الحب وقساوته
ويا قلبه اللي طول عمره ما داق الحب وحلاوته
تشوفه يضحك وفي قلبه الاسى والنوح
عايش بلا روح وحيد والحب هو الروح
حبيب قلبي وقلبي معاه بحبه في رضاه وجفاه
اوريه الملام بالعين وقلبي على الرضا ناوي
بيجرح قد ما يجرح ويعطف تاني ويداوي
اهو من ده وده الحب كده مش عايزة كلام
الحب كده
3
رجعوني عنيك لأيامي اللي راحوا
علموني أندم على الماضي وجراحه
اللي شفته قبل ما تشوفك عنيه
عمر ضايع يحسبوه إزاي عليّ
انت عمري اللي ابتدي بنورك صباحه
قد ايه من عمري قبلك راح وعدّى
يا حبيبي قد ايه من عمري راح
ولا شاف القلب قبلك فرحة واحدة
ولا ذاق في الدنيا غير طعم الجراح
ابتديت دلوقت بس أحب عمري
ابتديت دلوقت اخاف لا العمر يجري
كل فرحه اشتاقها من قبلك خيالي
التقاها في نور عنيك قلبي وفكري
يا حياة قلبي يا أغلى من حياتي
ليه ما قابلتش هواك يا حبيبي بدري
اللي شفته قبل ما تشوفك عنيه
عمر ضايع يحسبوه إزاي عليّ
انت عمري اللي ابتدي بنورك صباحه
الليالي الحلوه والشوق والمحبة
من زمان والقلب شايلهم عشانك
ذوق معايا الحب ذوق حبه بحبه
من حنان قلبي اللي طال شوقه لحنانك
هات عنيك تسرح في دنيتهم عنيه
هات ايديك ترتاح للمستهم ايديه
يا حبيبي تعالى وكفاية اللي فاتنا
هو اللي فاتنا يا حبيب الروح شويه
اللي شفته قبل ما تشوفك عنيه
عمر ضايع يحسبوه إزاي عليّ
انت عمري اللي ابتدي بنورك صباحه
يا أغلى من أيامي
يا أحلى من أحلامي
خدني لحنانك خدني
من الوجود وابعدني
بعيد بعيد أنا وانت
بعيد بعيد وحدينا
ع الحب تصحى أيامنا
ع الشوق تنام ليالينا
صالحت بيك ايامي
سامحت بيك الزمن
نستني بيك آلامي
ونسيت معاك الشجن
رجعوني عنيك للأيامي اللي راحوا
علموني أندم على الماضي وجراحه
اللي شفته قبل ما تشوفك عنيه
عمر ضايع يحسبوه إزاي عليّ