كلمات أشهر أغاني أم كلثوم كاملة ومكتوبة
قدمت كوكب الشرق أم كلثوم الكثير من الأغاني الخالدة التي مازال يبحث عنها الكثير من حول العالم، منها سيرة الحب، وفكروني، خلال السطور القادمة نتعرف على بعض من كلمات أغانيها.
فيديو ذات صلة
This browser does not support the video element.
كلمات أغنية سيرة الحب
طول عمري بأخاف من الحب
وسيرة الحب
وظلم الحب لكل أصحابه
و أعرف حكايات مليانه آهات
و دموع و أنين
و العاشقين دابوا ما تابوا
طول عمرى بأقول
لا أنا قد الشوق
و ليالي الشوق
و لا قلبي أد عذابه
و قابلتك انت
لقيتك بتغير كل حياتي
ما أعرفش إزاي انا حبيتك
ما أعرفش إزاي ياحياتي
من همسة حب لقيتني بأحب
لقيتني بأحب و أدوب فى الحب
و صبح و ليل على بابه
فات من عمري سنين و سنين
شفت كتير و قليل عاشقين
اللى بيشكي حاله لحاله
و اللى بيبكي على مواله
أهل الحب صحيح مساكين صحيح مساكين
ياما الحب نده على قلبي
ما ردش قلبي جواب
ياما الشوق حاول يحايلني
و أقول له روح يا عذاب
ياما عيون شاغلوني
لكن و لا شغلوني
إلا عيونك انت
دول بس اللى خدوني
و بحبك أمروني
أمروني أحب
لقيتنى بأحب و أدوب فى الحب
و صبح و ليل على بابه
ياللى ظلمتوا الحب
و قلتوا وعدتوا عليه
قلتوا عليه مش عارف إيه
العيب فيكم
يا فى حبايبكم
أما الحب ياروحي عليه
فى الدنيا ما فيش أبدا أبدا
أحلى من الحب
نتعب نغلب نشتكي منه لكن بنحب
ياسلام ع القلب وتنهيده فى وصال و فراق
و شموع الشوق لما يقيدوا ليل المشتاق
يا سلام ع الدنيا و حلاوتها فى عين العشاق
أنا خدني الحب لقيتني بأحب وأدوب فى الحب
و صبح و ليل على بابه
يا اللي مليت بالحب حياتي أهدي حياتي إليك
روحي قلبي عقلي حبي كلي ملك ايديك
صوتك نظراتك همساتك شىء مش معقول
شىء خلى الدنيا زهور على طول
و شموع على طول
الله ياحبيبي على حبك وهنايا معاك الله يا حبيبي الله الله
ولا دمعة عين جرحت قلبي و لا قولة آه
ما بقولش فى حبك غير الله الله يا حبيبي على حبك الله الله
من كتر الحب لقيتني بأحب و أدوب فى الحب
و صبح و ليل على بابه
كلمات أغنية فكروني
كلموني تاني عنك
فكروني فكروني
صحوا نار الشوق الشوق في قلبي و فعيوني
رجعولي الماضي بنعيمه و غلاوته و بحلاوته وبعذابه و بقساوته
و إفتكرت فرحت وياك قد إيه
و إفتكرت كمان يا روحي بعدنا ليه بعدنا ليه بعدنا ليه
بعد ما صدقت اني قدرت أنسى
بعد ما قلبي قدر يسلاك و يأسى
جم بهمسة و غيروني
كانو ليه ليه ليه بيفكروني
بعد ما اتعودت بعدك غصب عني غصب عني
بعد ما نسيت الأماني و التمني و التمني
كلمتين إتقالو إتقالو
شالوا الصبر مني
صحوا في عيني حنينهم لابتسامك
صحو سمعي يود كلمه من كلامك
صحوا حتى الغيرة صحولي ظنوني
و ابتدى قلبي يدوبني يدوبني
بآهاته بآهاته
و ابتدى الليل الليل الليل الليل يبقا أطول من ساعاته
و اسهر اسمع نبض قلبي بيناديك بيناديك
روحي فيك مهما جرى أنا روحي فيك
أنا روحي فيك
تسوى إيه الدنيا و إنت مش معايا
هي تبقا الدنيا دنيا إلا بيك
اللي فات وياك يا روحي بعود إليه
و اللي عشته معاك رجعت أعيش عليه
أعيش عليه أعيش عليه
بعد ما صدقت إني قدرت أنسى
بعد ما قلبي قدر يسلاك و ينسى
جم بهمسة و غيروني كانو ليه ليه ليه
بيفكروني
كلموني تاني عنك كلموني
بعد طول حرماني منك
جرحوا الجرح اللي قرب يبقى ذكرى
سهروني اعيش لبكره اعيش لبكره و بعد بكره
يا حياتي أنا كلي حيرة و نار و غيرة
و شوق إليك نفسي أهرب من عذابي
نفسي أرتاح بين إيديك نفسي أرتاح
بين إيديك أرتاح بين إيديك
و الخصام و الهجر و ليالي الأسية
كل دول دول ما يهونوش حبك عليه
و اللي جوا القلب كان في القلب هو
رحنا و إتغيرنا إحنا إلا هو
هو نفس الحب و أكتر هو نفس الحب و أكتر
هو نفس الشوق و أكتر
هو هو هو هو
اللي فات وياك يا روحي بعود إليه
و اللي عشته معاك رجعت أعيش عليه
أعيش عليه أعيش عليه
بعد ما صدقت إني قدرت أنسى
بعد ما قلبي قدر يسلاك و ينسى
جم بهمسة و غيروني
كانو ليه ليه ليه بيفكروني
آه آه آه آه يا حبيبي
حياتي بعدك مستحيلة
دي الحياة أيام قليلة
ليه نضيع عمرنا هجر و خصام
و إحنا نقدر نخلق الدنيا الجميلة
ليه ليه ليه
نضيع عمرنا هجر و خصام إحنا نقدر نخلق
الدنيا الجميلة
بالوداد و القرب
تجدد حياتنا بالحنان و الحب تتبدل آهاتنا
و اللي جاي نعيشه أحلى من اللي فاتنا أحلى
من اللي فاتنا
القمر من فرحنا هينور اكثر
و النجوم هتبان لنا أجمل و أكبر
و الشجر قبل الربيع قبل الربيع
هنشوفه أخضر
و اللي فات ننساه ننسى كل قساه
يلا نلحق من الزمن أيام صفاه
دي الحياة من غير لقانا مش حياة
و إحنا مش هنعيش يا روحي مرتين
فكروني إزاي هو أنا نسيتك
إنت أقرب مني ليه
يا هنايا
حتى وإنت بعيد علي او معايا
تنتهي الأيام
تنتهي الأيام
و نطوي العمر منا وإنت حبك إنت
للأبد للأبد
ملوش نهايه ملوش نهايه
حبك إنت ملوش نهايه ملوش نهايه
كلمات أغنية إسال روحك
إسأل روحك إسأل قلبك
قبل ما تسأل إيه غيرني
أنا غيرني عذابي في حبك
بعد ما كان أملي مصبرني
غدرك بي أثر في
و إتغيرت شوية شوية إتغيرت و مش بإيدية
و بديت أطوي حنيني إليك
و أكره ضعفي و صبري عليك
و إخترت أبعد و عرفت أعند
حتى الهجر قدرت عليه
شوف القسوة بتعمل إيه
كنت زمان بلاقيك بحناني
بحر محبة و بر أمان
كنت بأحس إن إنت زماني
يومي و بكرة و بعده كمان
كنت بأشوفك بعيون حبي
و إنت بعيد أو و إنت بقربي
أقرب من بسمتي لشفايفي
أقرب من إحساسي لقلبي
بعد الود اللي راعيته لك
بعد الحب اللي وهبته لك
بعد العمر اللي أنا عشته لك
فيه إيه تاني أقدمه لك؟
غدرك بي أثر في
و إتغيرت شوية شوية إتغيرت و مش بإيدية
و بديت أطوي حنيني إليك
و أكره ضعفي و صبري عليك
و اخترت ابعد و عرفت أعند
حتى الهجر قدرت عليه
شو ف القسوة بتعمل إيه
أنا مانسيتش الحب و عهده
و لا أيامه و لا لياليه
أما إن كان ع الحب لوحده
من غير هجرك أهلا بيه
أنا حيرني هواك
و أنا علشان أنساك
بأبعد عن كل مكان رحته و لو مرة معاك
و أهرب من أقرب ناس يعرفوا قصتي وياك
و بأغير أي كلام بيجيب سيرة لذكراك
وصلتني للحال ده بإيدك
بعد ما كانت روحي ف إيدك
سبتك و مفيش حد في عمري
يشغل عنك قلبي و فكري
سبتك من غير حتى ما أفكر
هأقدر أسيبك أو مش حأقدر
غدرك بي أثر في
و إتغيرت شوية شوية إتغيرت و مش بإيدية
و بديت أطوي حنيني إليك
و أكره ضعفي و صبري عليك
و إخترت أبعد و عرفت أعند
حتى الهجر قدرت عليه
شوف القسوة بتعمل إيه
إسأل روحك إسأل قلبك
قبل ده كله إتغيروا ليه
أنا غيرني عذابي ف حبك
لكن إنت غيرك إيه؟
هو حناني عليك قساك حتى عليه؟
ولا رضاي كمان خلاك تلعب بي؟
ولا تسامح روحي معاك غرك بي؟
أنا يا حبيبي صحيح باتسامح
إلا في عزة نفسي و حبي
و أما يفيض بي ما بأعرف أصالح
و أعرف آجي كتير على قلبي
غدرك بي أثر في
و إتغيرت شوية شوية إتغيرت و مش بإيدية
و بديت أطوي حنيني إليك
و أكره ضعفي و صبري عليك
و إخترت أبعد و عرفت أعند
حتى الهجر قدرت عليه
و إنت يا عيني لو في مكاني يا عيني
كنت هتعمل غير كده إيه؟
إسأل روحك