اجت الكهربا ساعتين متواصلين و صار شحن موبايلي
- تاريخ النشر: الثلاثاء، 19 يناير 2021
- مقالات ذات صلة
- موبايل وتابليت .. واكثر..
- أسماء ببجي موبايل مخفية
- فيديو مضحك مقلب التحدث على الموبايل في بيروت
اجت الكهربا ساعتين متواصلين و صار شحن موبايلي %90 ?
قررت بهالمناسبة السعيدة افتح يوتيوب على شي فيديو مفيد و بلشت تابع
فيديو ذات صلة
This browser does not support the video element.
و إذ صار شحن موبايلي %70 خلال ربع ساعة ❗❗
ربع ساعة تانية صار %40 ، و هون بلش مخي ياخد و يجيب
خرب موبايلي.. بدي بطارية جديدة .. لعند اي محل بدي آخدو .... إلخ❕
تذكرت إنو مرة كمان نزل شحن موبايلي لل %2 و ضل شغال ساعة مع استعمال❗
شو يلي عم يصير❗
تعالو نشوف شو القصة
السمارت فون الجميل تبعنا إن كان android أو ios مليان برامج و تقنيات و قطع و أهم شي بكل موبايل هوي #البطارية
وهون عم نحكي عن بطاريات #أيونات_الليثيوم و الموبايلات من عشر سنين إلى يومنا هذا
أحد البرامج عنا شغلتو #يقيس زمن شحن البطارية من الصفر للمية و زمن #التفريغ من مية إلى صفر و بطريقة معينة بيعطينا نسبة شحن البطارية ?
بالحالة يلي ذكرتا بأول البوست عم يصير عندي #خلل بعمل هالبرنامج بالتالي رح يعطيني #قراءة_غلط و قيمة ما بتساوي القيمة الحقيقة لنسبة الشحن و السبب هو ضعف اداء البطارية على الاستعمال الكتير و الخاطئ بأغلب الأحيان.
⭕( اكيد انا فحصت البطارية ونفيت اي عطل فيها " انتفاخ مثلاً " أو بقاعدة الشحن او الشاحن او الكبل او .. او .. يعني ما عندي اي مشكلة بالعتاد المادي)
هون رح الجأ لشي اسمو #معايرة_البطارية و الها اسم علمي
طيب اوك كيف رح تصير عملية معايرة البطارية ? !!
بسيطة كتير :
✔رح استعمل الموبايل ليخلص شحنو و يطفي
✔✔بشغل الموبايل ، في حال اشتغل بستعملو ليطفي مرة تانية و برجع بشغلو و هكذا
حتى آخر شي ما عاد يعطيني أي ردة فعل ولا يشتغل أبداً
✔✔✔بحط موبايلي عالشحن (طبعا الموبايل مطفي) و بتركو حتى يصير 0
في حال شغلتو كان شحنو مية بيكون مشي الحال أما في حال كان 98 او أقل هون رح كرر الخطوات يلي عملتن و بعد هيك أكيد رح يرجع الشحن طبيعي?
⛔ ممنوع كرر الخطوات اكتر من مرتين
⛔ ممنوع اعمل معايرة كل شهر او كل اسبوع ،، بتنعمل كل 3 أشهر مرة اذا لزم الامر طبعاً
لأنو ما بيصير اشحن الموبايل بنسبة 0 بشكل دائم فبهالعملية أنا بكون عم اخسر من
#دورات_الشحن_الكاملة للبطارية بالتالي عم يقصر عمر البطارية اكتر?
?بتمنى يكون عجبكن البوست و حبيتو المعلومة
?حطولي آراءكن لنحكي ببوست تاني عن دورات الشحن الكاملة و #خرافات و #حقائق عن بطاريات #الليثيوم
هذا المقال مقدم من ريا بوعرب