أشهر قصائد خلف بن هذال مكتوبة

مقالات ذات صلة

أشهر قصائد نزار قباني مكتوبة

أشهر قصائد أوس بن حجر مكتوبة كاملة

أشهر قصائد ابن الوردي مكتوبة كاملة

قصائد خلف بن هذال من الأشعار التي نالت إعجاباً واسعاً بين متذوقي الشعر للشاعر السعودي خلف بن هذال العتيبي، والذي يعد من أشهر شعراء الخليج، والذي نال العديد من الألقاب ومنها: "شاعر الخليج" و"شاعر الوطن و"شاعر الملوك".

في هذا المقال نستعرض أشهر قصائد خلف بن هذال مكتوبة وأجمل قصائد خلف بن هذال قصيرة وأروع قصائده الوطنية.

أشهر قصائد خلف بن هذال مكتوبة

إليك مجموعة من أشهر قصائد خلف بن هذال مكتوبة:

قصيدة جريت صوتي

جريت صوتي تالي الليل جره، والناس هجعا وأرفع الصوت بأبيات
ولقيت في سود الليالي مضرة، كم كلمة ولّت وراحت ولا جات
النوم يعرض للعيون وتمرة، مر الكرام اللي خطاهم سريعات
تلبس حرير وبنت الأحرار حرة، عمهوجة تغدي لها النفس توقات
دنيا تزيّن للغرير وتغرّه، بين الليال وبين الأيام غرات
غارة زمان ويكفي الله شره، أدري الهوى والنفس وإبليس ما مات
احذر عدوك دبه العمر مرة، وأخذ الحذر من صاحبك عشر مرات

أجمل قصائد خلف بن هذال

إليك مجموعة من أجمل قصائد خلف بن هذال مكتوبة كاملة:

قصيدة يا عيد سود العيون استنكرن منّي

يا عيد سود العيون استنكرن منّي وشلون ابارجع وارجّع وقتي الماضي

اسأل عن حالهن ما سائلن عنّي، الله يغربل حياةٍ جوّها فاضي

يا عيد رمح الهوى بالقلب طاعنّي، والحب يمضي ورمحه بالهوى ماضي

يا عيد حدب الضلوع تصيح وتحنّي، من عام الأول وأنا صابر ومتغاضي

يا عيد أنا مولعٍ بصغير السنّي، والحال منّي قضى وأنا بعد قاضي

يا عيد لي صاحبٍ فاتن وفاتنّي، ولو مبسمه سمّ قبّلته وأنا راضي

قصيدة أبوس خشمه وأنشده ويش لونه

أبوس خشمه وأنشده ويش لونه، ومحبتي له ما وراها طمايع

وأقدّره وأشاركه في حزونه وأثره عدون لي خبيث الطبايع

فرقا وفرقا فرّق الله ظعونه، الحقد من قلبه على الحقد مايع

أكحل عدوك لين تعمي عيونه، ألبس له أغلى اللبس لو كنت جايع

لو عشت عمر شعيب وأنت بمهونه، ضايع وما تقضي من العمر ضايع

العز يوم يغامر الرجل دونه، وأعمار غيرك مثل عمرك ودايع

وليا لقيت أهل الدهر يشتكونه، لا تشتكي دهرك على كل صايع

قصيدة سألت الليل

سألت الليل بعد الليل ولي، أنا كيف أتصبر وأتسلى
فقلت أعطف لمن يرعاه نجومك، بجاه الله عني لا تجلى
تسليني وتنسيني نهاري وتتركني وجرحي مستجلا
ثلاث ضلوع يشكن الهضايم، على المعلوق والقلب يتدلى
ولا به ليل نامت فيه عيني، وأنا ما أذكر لها بالذمة إلا
إذا نامت تصحيها حلومي، وإذا صحيت تفيض ثم تملأ
على ظبي تطاوعها الجميلة، إذا صكه الهوا الغربي يتخلى
من الموقع وخلا القفر خالي، على دربه يتل الريم تله

قصيدة يا بنت

يا بنت يا اللي تطوي الثوب الأرداف شط الحوار بدر بكر يميحه
في مرتع عشبه تغريف تغرياف وأمه هجل ما شملوها منيحة
والعنق عنق مذير عقب ما شاف بواردي لا قف له بضيحة
والعين عين موحش رأس مشراف يملأ عيونه بالفجوج الفسيحة
يا بنت ما نرضى المهونة والإضعاف ولنا علي روس المشاريف صيحة
فينا صفات الطيب يا بنت الأوصاف ما تنطبق في غيرنا يا مليحة
دخلينا يرقد وراء الوجه ما خاف يا من وتحماه السلوم الصريحة
ناسم عصاه ولويبي حج وأطاف تحت الحما ما واحد يستبيحه
ونفوسنا دايم عفيفات وأنظاف وأبداننا من كل علة صحيحة
صاحين صافين المشاريب وإشراف ماناكل الترديه والنطيحة
صلبين في وقت الشدايد وعراف منا المشورة واختيار النصيحة
وإن ثارت الهيجالنا وسط وأطراف وجه الحريب نقنعه بالفضيحة
وإكرام لو يلحق بنا نقص وخلاف نملا الصحن ونلحفه بالذبيحة
يوم السنين الماضية حيل وعجاف ينقر لنا من هبة الريح ريحه
والعيشة اللي تدبل البد تنعاف النفس عن ما تكرهه مستريحة
دنيا تموج ولا رسمنا لها أهداف يا ما تحتها من فعول قبيحة
تجهز الغازي وتسرع بالأنكاف ولا تنكف ألا بالفلس والقميحة

قصيدة الذود يا هذال

هذال يرعى بالإبل يا ضنينه، يرجى وصاتك يا وفي المقالة
الذود يا هذال يصخم حنينه، ما بين شبك وبين قصر وجماله
الفاطر العوجا عليها غبينه، إن رجعن للحوش جبن ونذالة
وأم الحوير عندي اليوم شينه، رد الحوار وفك عنها الشماله
إبلك يا بو هذال زايد حنينه، ويابس الصحرا أبد ما حلاله
ان عاش راسي يا الحيا تاصلينه، وتبد لين السر قفر بداله
يا زين شوف العشب الأخضر يا زينه
قبل شهر شعبان ينقز هلاله، أبي أربي إبل والحل برحال
علم صغير جاهل بالبراري، اجمع من الإبل عشر تصير وبال
وأخبر فحلها مع جنبها يباري، الإبل لها في مهجة القلب منزال
منايح القصار سفن الصحاري، بشتري ناقتك مير نزلها المزاد
إن تبي فيا ذهب وفلوس خذ مردوفها، ناقتي ما تدخل السوق لو زاد المزاد
لو هل الربطات جتني تشيل ألوفها، لو يصبون الذهب صب وأمهار تقاد
ما أرخص البل واختيار النفوس اشفوفها

قصائد خلف بن هذال قصيرة

إليك مجموعة من أشهر قصائد خلف بن هذال قصيرة مكتوبة:

قصيدة جعل السحاب

جعل السحاب اللي معه برق ورعود، يمطر على دار وليفي سكنها
يسقي وطن منتوقة العنق يا سعود، مالي وطن بالعارض إلا وطنها
قلبي غدا واستيسره لين العود، ما حد يفك القلب يا سعود منها
ساطي وفي كفه جديدة وبارود، وأدخل يده بين الضلوع ودفنها
بيني وبينه وصل وأسرار وعهود، مصونة ماتدري الناس عنها
في كل عام يزود حبه بعد زود، أقفى بروحي والتوى في رسنها
أموت بين الخد وعيونه السود، وحواجب ربي بملحه قرنها
وشعر بدهن الورد والمسك مكدود، جديلة تضمني واحتضنها
ليل جمعني به عسى ليت ويعود، يبعد عن النفس الحزينة حزنها

قصيدة قالوا توادع

قالوا توادع قلت يا صعب الوداع، وشلون أوداع من معه قلبي وديع
قلبي معه والسر من فرقاه ضاع، صحيح من يفقد زمام أمره يضيع
أليا ذكرت الخد والسود الوساع، تسابقت غارات عبارتي جميع
اصبر على الهجران قدر المستطاع، أحمل همومي للخلا وأشري وأبيع
أبيع شي بالجواهر ما يباع، بعته رخيص وضاق أمامي كل ذيع
بين الرجا واليأس يشتد النزاع، بعده دهر ومشاهده عندي ربيع
تستدرج الأيام مفتول الذراع، من حيث لا يعلم وترميه بالسريع

قصيدة يقطعك يا حب

يقطعك يا حب توقف على ماش ومن حب حلوين المظاهر بلاشي
اللي يبيعون المحبين ببلاش، حلوين الألسن والقلوب الغشاشي
العرق لو قصر على ألمي ما عاش، والشمس لو تغرب على الكون عاشي
تفخر بزينك يوم تجفل وتنحاش، ماتدري إني منك قانع وماشي
من أول عيني ترفرف بالأرماش، جفن غطا والجفن الآخر فراشي
مطوع لك قلب أبيض من الشاش ومستدخلك بين القلوب الهشاشي
واليوم أبنقش سر حبك بمنقاش، الله ولا حب سعى فيه واشي

قصيدة أنا والليل

أنا والليل خلان ورفاقة، أخذته عشق وأخذني عشاقه
أوضح له ضناي ما بروحي ويفتح لي على الغياض طاقة
ألا يا ليل وش عندك وعندي، يقول من تكدر له مذاقه
عيونه من غرام الشوق تهمل عبايرها على ذيك الدقاقة
وأنا بنهاية التسعين هجري إلى خل عجزت أقوى فراقه
مضى عام وثمان سنين كني كسير عيب الجبار ساقه
يفزع بصياحه هجوع ناس، لهم بالنوم والراحة علاقة
ألا يا ليل يعرضك وطولك، أنا وياك لا عاد الصداقة

قصائد خلف بن هذال الوطنية

إليك أجمل قصائد خلف بن هذال الوطنية مكتوبة:

قصيدة وطنية لخلف بن هذال

يا وطنا يا وطنا عمت عين الحسود

ما تهزك لا زوابع ولا غدر عملا

يا وطنا ل اتزعزع واحنا لك جنود

البلا نصب وفوقه مقابيس البلا

ويقول خلف بن هذال في حب الوطن

يالله بمانك من النكبات تامنّا

والدار بحماك تمّنها وتامنها

لأوامر القايد الأعلى تمثلنا

أرواحنا في سبيل الله نعربنها

قصيدة يا محلل الموقف نبي منك تحليل

يا محلل الموقف نبي منك تحليل، وش خطة في خاطرك تعتمدها
ذاب السلام وصار مسرح وتمثيل، سجدة سهو تجب على من سجدها
ما في الحقيبة للعروبة محاصيل، سوالف تصدى الكبود بكبدها
وش منطق الأجيال من بعد ها الجيل، يا حسرة التاريخ وأمر وأدهى
الله وأنا سائله يدمر إسرائيل، ينشي غضب ربي عشاه ويهجدها
تلقح بسحب مثل حمر الغراميل، عج مطرها والزلازل رعدها
تمطر سخط منها الصواعق نوازيل، يزفر هواها ويتسلخ بردها
يجتثها الرحمن بجناح جبريل وتصبح معالم للعرب من بعدها
تكتب على الخنزير طه وتنزيل، يا نجس مبداها ومكبر حقدها
والله جريمة منكرة يا رجاجيل، حتى الدول بأعرافها تنتقدها
الصبح فوق كلابها تلقى الإنجيل، جرثومة دب المرض في جسدها
استفحلت واللي عليها مهابيل، قامت على أنقاض الخيانة عمدها
من الفرات بخارطتها إلى النيل، عصابة تسرح وتمرح وحدها
عنها الصواب بعيد جملة وتفصيل، عميانة في غيها عن رشدها
هي مصدر الإرهاب وأم الأباطيل، لا وفق الله من يقوم بسندها
عقرب ثرى مسمومة الرأس والذيل، من حر ما فيها تنفخ غددها
عاشت على الكذبة دعاية وتضليل، جاها فناها يوم ربي قردها
من حارب الله له مهونة وتذليل، في ساعة من غيب لا تبتعدها
ألم تر كيف أهلك الله هل الفيل، دك أبرهة وجيوشه اللي حشدها
جاها الجزاء الصارم عقوبة وتنكيل، وينه ووين أصنام رجس عبدها
شافت فلسطين الجريحة بهاذيل، شابت قضيتها وشيب ولدها
خمسين عام علوم صحف ومراسيل، في حالها عن حالها من نشدها
مراوحة بأقدامها في المحابيل، عن رأسها قام يتقطع زبدها
إلى متى تصبر على الظلم والويل، تب على من هانها واضطهدها
تبكي وتغرق بالدموع المناديل، تنخى فهد تنخى فهدنا فهدها
تبي صباح به صياح وتهليل، يقضي على الفتنة وهي في مهدها
بقوة الإيمان حنا هل الخيل، الألوية باسم الجهاد نعقدها
بالحرب نثبت في وجيه الأساطيل، مواقف من شافها ما جحدها
حنا العرب حنا الرماح النوازيل، نضرب على قمع الرصاصة زندها
من حبنا للموت نهذي الهواذيل والنفس قبل تموت تأخذ سددها
إلى أدبر المهزوم حنا المقابيل، كم وقعة شعب الجزيرة شهدها
ولا نولي الزحف نزحف جحافيل، جحافل التوحيد في رأي أسدها
بقيادة اللي يركي المتن للشيل، عنا ثقيلات المحامل صمدها
فهد، فهد، ضير بشرب الفناجيل، إلى أبرزت دهم الجموع يعمدها
حلال حيلي الحلاحيل حلحيل، يحلحل اللي ما تحلحل عقدها
دليلنا وإن غاب نجم الدواليل، على الهدى ديرة مساره رصدها
نفداك وانصى الرشا بالمحاحيل، يا اللي حفرت لدفن الاعدا لحدها
معك أمة الإسلام تصهل تصاهيل، قدها يبو فيصل إلى القدس قدها

قصيدة رسالة إلى صدام

سوولي الكيف وارهولي من الدلة، البن الأشقر يداوي الراس فنجاله

كيف لنا نحرجه بالنار ونذله وليا انقطع لو ورى صنعى عنينا له

البارحة الليل ما غمضت به كله، أراقب الصبح جالس وأتحرى له

ابعث شريط مضى وأطويه وافله، وأقول من يحفظ التاريخ لأجياله

قل للعراقي يفتش جعبته قل له، يلقى بها شي ما يطرأ على باله

الهم والغم والطاعون والعلة، حقه لحاله كفاية حقه لحاله

من صفعة ذاقها بانت به الخلة، يذكر هزيمة شهر شعبان وهلاله

قام التعل يشتغل ويشاغل الشلة، عزت وطارق وعد عدي وأمثاله

يذبح ويصرخ يده حمرا ومبتلة، شي يخلي جبين الحر ينداله

يا ناس، يا ويل من هذا زعيمن له، الشعب في وضع يوسف له ويرثاله

شعب شرب كره وأكل كره له، يتفل على صورته ويدوس تمثاله

تبت يدا أبو لهب تبا وتبا له، واللي معه بالحطب للقوم حماله

مدمن على طبخة بالحيل تعمل له، يؤخذ بها الثأر والثورة تسوى له

حتى نسيبه ولد خاله تحيل له، لغم له الهيلوكبتر وأنشدوا خاله

الله ما يهمل الظالم ويمهل له وإن طال به عمره أخس شوي وأردى له

الحكم منهار والأحكام منحلة، ما أخس من حالة فيها ولا حالة

من ردى حظه في أهل بيته يزول له، صار الشجر قوم بعيونه يورى له

من كثر ما يرتميه يخاف من ظله، ومن يعلم الغيب لو عدي قتاله

صدام انا بنشدك وش أنت حين له، مثلك بغبنه يموت وموته اشواى له

ما عاد تملك من السلطة خبر لله، خارج عن السيطرة دولتك منثالة

جمع عظامك سوات مجمع الجلة، وأحرق بها ما درى بغداد برجاله

الجيش يرزح تحت ذل من الذلة، والشعب مسكين تضحك له وتغتاله

واذاعتك يا سويد الوجه منشلة، ما عندك إلا يا لاله يا لا، لا له

اي بالله أسمعك زين أي بالله أي بالله، وإذا تبين عدو بنا وحنا له

ما تدري انا نعقد الحبل ونحله، بالعسر واليسر حلاله وفتاله

نعسف الصعب ثم يجيك مزين دله، أديب ما يشتكي عرقوب جماله

ما نقتنع بالهجاد نصبح الحلة، مع الغطاليس رجليه وخياله

والدار ما هي يا صدام محتلة، ما استعمرت قبل حكم العود وأعياله

واليوم عنها نسن السيف ونسله، من شط وخذ الطريق نصلح أحواله

والفهد تخسى عنه ما أنت بقبيلن له، وطى برجله على غاربك بنعاله

ما أنت بكفوه ولا شرواك كفوا له، الفهد يكرم عن المشبوه وأمثاله

الفهد عز العرب والعرب عزن له، وكم دولة تستغيث المال من ماله

العادل العدل والإسلام شرع، ولبيعة المسلمين البيعة أولى له

ولا أنت مهزوم لا مذهب ولا ملة، مقطع أربع تطيح بكل محباله

مما مظلك تخدع الشعب وتظله، مفسد ويدعى عليك وفهد يدعى له

وين أنت يا اللي له العذرى تكحل له، يقوم لعيونها وتشوم لأفعاله

من طيب أبوها تبي وصفه عن الليلة، يقلط على شوبة البارود وأظلاله

أبيك في لازم ن قدك وقدن له، قمر عرب سات يبرأ لك وتبرأ له

أمر ضروري وخلك مستعد له، ما أنت مراسل تجي وتروح برسالة

عندك مهمة وقلبك ما برد غلة، جدول مسيرك تعرف العام مدهاله

اركب على اللي قنابلها من السلة، بمكبرات الصور في الجو جواله

أخلى المدرج وتل بريكها تله، وأخفق بها خفقة الكدري لمقياله

انحر بها خاين النهرين وأفطن له، لا ذكر بالخير في حله وترحاله

حدد مكانه بتلسكوب وانزل له، انزل رويدا رويدا واكبس الآلة

حربية عاد السودا تسلل له، تسللت من جهة عمان واجباله

جاته من الغرب عبر أجواء صديق له، تحمل على متنها حزنه وسلاله

ترسم هدفها على الليزر وترسل له، إشارة الضبط والمضرب تهيأ له

ما تحمله ترفعه مترين وتهله، مع ذرة الشمس في قصره اتحمى له

تعطيه ضربه تدك القبو بالفلة، والشر فاله وفال الله ولا فاله

من شدة الانفجار أقول باسم الله، تهتز الأهواز والبصرة بزلزاله

في سابع الأرض تحفر له وتدفن له، من تحت الأنقاض والإنقاذ ما شله

يأخذ سنه يلتهب قبوه كما الملة، يذوب صنقل الساعة وسلساله

ثم خل غيره يشوف ويعتبر خله، واللي يبي مثلها بالحال تثنى له

الضعف ما حطه الطيب سبيلا له، ثم قيل من لا يعيل تجيه عياله