المطلقات أجدع مننا.. مصري يشكر طليقته بطريقة خاصة ويثير جدلا
أثار زوج مصر حالة من الجدل عبر مواقع التواصل الاجتماعي، عندما ظهر في مقطع فيديو ليوجه شكرا نادرا لمطلقته وزوجها، بسبب ما قال إنها علاقة سوية ومستقرة بينهما أثرت إيجابا على ابنه، الذي عاش مع أمه بعد طلاقها.
صاحب المقطع، يدعى إسلام عفيفي، وهو "ميك أب أرتيست" و"بلوجر"، ظهر في المقطع وهو يوجه الشكر لمطلقات مصر وبالتحديد طليقته وزوجها نتيجة حسن انعكاس علاقتهما السوية على تربية ابنه وسلوكياته.
وقال عفيفي خلال المقطع: "الرسالة دي يا جماعة موجهة لكل المطلقات وعلى رأسهم طليقتي، شكرًا، شكرا لطليقتي إنك ست فاضلة وإنك ست محترمة وأكيد جوزك راجل محترم، إن انتو الاتنين احتويتوا بعض لدرجة إن ده أثر على ابني بشكل إيجابي جدًا، وصل للمرحلة الأخلاقية والتعليمية الناجحة، فليكي الحق عليا بعد 15 سنة إني أشكرك، تستحقي كل تقدير واحترام".
وأكمل قائلًا: "عارف المسؤولية الضخمة اللي أنتي شايلاها بجد ومهما انا دفعت فلوس ده مش هييجي ربع المسئولية اللي اتتي شايلاها سواء الأخلاقية أو الرياضية أو الدينية أو التعليمية، كل اللي انتي شايلاه أكتر مني بكتير انا متأكد، فعايز أشكرك باسمي وباسم كل الرجالة المتصالحين مع نفسهم".
وأضاف في رسالته: "بشكر كمان كل المطلقات اللي شايلين مسئولية أولادهم بدون رجالة، وياريت يا جماعة أي راجل في الدنيا مطلق مراته بجد طالما ست فاضلة وواخدة بالها من أولادك ياريت تعملها تمثال يعني ماتبقاش راجل (لخش) ماتبقاش راجل (طربنش) احترم الناس عشان الناس تحترمك، أي ست في الدنيا مطلقة شايلة مسئولية أولاد أرجل مننا كلنا بالمناسبة، احنا مانقدرش نشيلها".
واختتم عفيفي: "رسالة الست المطلقة أقوى بكتير جدا جدا من رسالتنا احنا رجالة لخشات، انسى يابني وماتعاندش طليقتك عشان ولادك مايدفعوش الفاتورة".
لاقى مقطع الفيديو المؤثر ردود أفعال واسعة منها المتعاطف ومنها الغير مصدق لما يقوله الرجل، فمن المعروف أنه بمجرد بدء إجراءات الطلاق، يتحول الأزواج المتحابين إلى أعداء، وبمجرد احتدام المواقف ووقوع الخلافات تصبح "المودة والرحمة" "وصون العشرة" في خبر كان.
وجاء تداول مقطع الفيديو بالتزامن مع صدور "النشرة السنوية لإحصاءات الزواج والطلاق لعام 2021" من جهاز التعبئة العامة والإحصاء في مصر (حكومي) والتي أظهرت ارتفاع نسب الطلاق في مصر بنسبة 14% مقابل ارتفاع طفيف في الزواج بنسبة 0.5%، خلال العام الماضي.
وأوضحت النشرة أن عدد عقود الزواج بلغ 880 ألفا و41 عقداُ عام 2021 مقابل 876 ألفا و15 عقدا عام 2020 بنسبة زيادة طفيفة قدرها 0.5%، بينما بلغ عدد حالات الطلاق 245 ألفا و777 حالة مقابل 222 ألفا و36 حالة بنسبة زيادة قدرها 14.7%%.