تامر حسني يدعم جمهوره برسالة مؤثرة عبر إنستغرام
وجه الفنان تامر حسني، رسالة لمتابعيه وجمهوره عبر حسابه الرسمي على موقع الصور الشهير إنستغرام لدعمهم ومنحهم الثقة في حياتهم.
وقال حسني في رسالته عبر موقع انستغرام: "كل محبيني الكرام، كلامي اللي في البوست ده نفسي يوصل للكل وينفذه، ومحدش يسألني ليه بقول كدا بس أتمنى من كل قلبي إنكم تعملوا اللي هقوله".
فيديو ذات صلة
This browser does not support the video element.
وأعرب الفنان المصري عن حبه الشديد للجمهور وإنه يتعامل معهم من منطلق الأخوة، فقال في رسالته: "أنا والله العظيم بحبكوا أوي يا جماعة ولا عمري حسيت نفسي معاكم غير أخ أو حد من عيلتكم يلا دلوقتي حالًا كل حد فيكوا يكتبلي في تعليقه نفسه يحقق إيه الفترة اللي جاية أرجوكم شوفوا نفسكوا محققين ده وإن شاء الله هيحصل".
وأكمل قائلاً: "أرجوكم أرجوكم اكتبوا اللي نفسكوا فيه وعندكوا يقين كبير بالله إنه هيحصل مش هتخسروا حاجه لو صدقتوني وعملته كدا مش جايز أطلع صح بس طبعًا نسعى ونجتهد بلا يأس".
واختتم تامر حسني حديثه، قائلًا: "البوست هيفضل موجود لو حد حاله أتغير للأحسن، وبدأ يحقق اللي كتبه يبقى يفتكرني بالدعاء".
في وقت سابق، كان طالب حسني متابعيه بالانضمام لمبادرة لإنشاء تطبيق لجمع تبرعات من المصريين، لمساعدة المصابين بمرض ضمور العضلات، الذي يعاني منه الكثير، وأن يكون تحت رعاية الدولة المصرية.
وقال: "يا جماعة مرض ضمور العضلات منتشر بكثرة في عصرنا ده ربنا يعافي الجميع تخيلوا لو مليون واحد بس من عدد سكان بلدنا العظيمة لو دفع 30 جنيه بس هيساهم في إحياء طفلة في لحظة واحدة طفلة بتتعذب كل لحظة هي وأهلها".
وتابع "أمنية حياتي والله العظيم دلوقتي، يتعمل أبليكيشن تحت رعاية الدولة وتتسمى المليون أخ وتبقى على تليفونات الناس اللي هتتبرع، مليون واحد هتجيلهم رسالة حسب خطورة المرض، ونوعه وتكلفته العامة والمطلوب منه".
وأكمل تصوره للفكرة: "في سيستم يقدر يدخل بنفسه يشوف اسمه وتبرعه راح فين، وإن المريض اتعالج خلاص وتجيله رسالة شكرًا صدقتك أحيت نفس بل أسرة كاملة، أنا كفنان جاهز لأي جهة هتتبنى الفكرة دي، إني أكون داعم ليها ومعلن عنها لو الجهة محتاجة ليا شخصيًا أو لصوتي إن شاء الله أنزل، ألم التبرعات بنفسي وأخبط على بيت بيت وده لوجه الله ولخدمة شعبنا وأهالينا المحتاجين".