تامر حسني يكشف لأول مرة كواليس مشهد من فيلم البدلة: أعيد تصويره 60 مرة
كشف الفنان تامر حسني عن كواليس أحد المشاهد التي جمعته مع أكرم حسني وماجد المصري في فيلم البدلة.
وعبر حسابه الخاص على موقع الصور الشهير انستغرام، نشر حسني الفيديو وكشف تفاصيل ما حدث، وقال: "حلاوة المشهد ده اننا عيدناه ٦٠ مره عشان ماجد بيضحك بجد و بصوت عالي في كل مره و دي المره الوحيده اللي ضحك فيها و عرف يداري وشه بعد جملة (( احنا جايبينه يتعشى يابني ))".
فيديو ذات صلة
This browser does not support the video element.
وتابع قائلاً: " بس باين برضو للّي يركز 🤣🤣🤣🤣من فيلم البدله ".
فيلم البدلة تم عرضه في دور العرض السينمائية في 2018، و تدور القصة حول حمادة (أكرم حسني)، ووليد (تامر حسني) اللذين ولدا في نفس اليوم فاشلين في الحياة، يقرران الذهاب إلى حفلة تنكرية، ويتنكران في زي رجال الشرطة لمقابلة زملائهم القدامى، الأمر الذي يجعل الجميع يعتقد بأنهما شرطيين حقيقيين، وتقع لهما العديد من الأحداث والمشاكل.
يشارك في بطولة الفيلم الممثل والمذيع أكرم حسني، دلال عبدالعزيز، أمينة خليل، محمود البزاوي وهو قصة تامر حسني وسيناريو وحوار أيمن بهجت قمر ومن إخراج محمد العدل وإنتاج وليد منصور.
تامر حسني كان مؤخراً وجه إعلاني لأحد شركات الشبيسي الشهيرة في القاهرة، مؤخراً كان تامر حسني قدم عدد من النصائح المختلفة للجمهور عبر حسابه الرسمي على موقع الصور انستغرام، وقال في رسالته: ": " واثق اننا كلنا بنمر بظروف و مؤثرات و افكار بتغير حاجات جوانا في ناس بتغيرها للأفضل و في ناس للاسوء و كلامي لكل شخص حاسس من جواه انه متضايق و عنده خطأ في فكره او عقيدته و قناعته او عاده سيئه و معصيه ثابته مش عارف يتخلص منها او صفه في شخصيته مش كويسه و فاقد الامل في تصليحها".
وأضاف الفنان المصري: " عشان يصلحها و يتغير لازم اول حاجه يعترف بيها قدام نفسه و ميقاوحش و يبرر وجودها
لازم يشوفها يبقى :
١- تعترف بيها قدام نفسه
٢- تاخد قرار حاسم في بدء الإمتناع عنها
٣- تدرس المقابل لها في الصالح و تسعى في اتجاهه
٤- اختار اصحاب صفاتهم بعيده عن هذه العيوب و العادات المشابه
٥- اصبر على نفسك في التغيير يعني لو اخدت قرار و رجعت فيه مش معناه انك فشلت لا خد القرار تاني حتى لو فشلت في الاصلاح ١٠٠ مره عادي ، خد كمل في اصرارك على التغيير و التطوير و خد كمان مره القرار اهم حاجه راقب نفسك و شوف مؤشر تحسنك بيزيد ولا ثابت خليك وراه لحد ما يبدأ يعلى هتلاقي نفسك واحده واحده انتصرت على نفسك و كسبت التحدي ".