تامر حسني ينصح متابعيه بالتعامل بالكلمة الطيبة
وجه الفنان تامر حسني نصيحة لمتابعيه عبر موقع الصور الشهير انستغرام بضرورة التعامل بالكلمة الحسنة لما لها من تأثير.
وقال حسني، في رسالته عبر حسابه الرسمي: " مساء العسليات عالكل المشهد ده فيه رساله جميله احياناً ممكن يبقى ليك صديق او ليكي صديقه مريضه او تعبانه او في حاجه فيها بتضايقها نحاول ان احنا عمرنا ما نسخر من حاجه في حد هو ملوش ذنب فيها".
فيديو ذات صلة
This browser does not support the video element.
وتابع قائلاً: "خلقة ربنا او ابتلاء لان الشخص دا اصلاً نفسياً مع نفسه اللي فيه مكفيه لو كان ربنا كاتب ان احنا اللي نبقى حواليه فاكيد عشان نشجعه و مايقفش عند الموضوع دا و يعرف ان في ناس عندها اكتر منه حجات لا تحتمل و قدروا مايشوفوش غير كل ما هو ايجابي و عرفوا يتصالحوا مع نفسهم و يبقى عندهم رضى من الدرجه الاولى و يحمدوا ربنا على ده و يفهموا انه ابتلاء او اختيار له مكاسب اكبر و اكتر من اللي معندوش الشاطر بس اللي يفهم كده و دا دور".
وأكمل الفنان المصري حديثه قائلاً: "الاصحاب الطيبين اللي ربنا ممكن يجازيهم خير مكانوش يحلموا بيه بسبب الدعم النفسي لغيرهم بسبب الكلمه الحلوه و طبعاً هنا الاستاذ ماجد بيمثل مشهد انما هو من اطيب و انضف القلوب".
وختم رسالته للجمهور: "والله يا جماعه الكلمه الحلوه ممكن تساهم في ان شخص ينجح و ان شخص يفشل الكلمه الحلوه ممكن تدي أمل عظيم للحياه".
وقال: "تخيلوا الرصاصه بتموت شخص لكن الكلمه السامه المحبطه اللي ممكن تلوث فكر و تبوظ عقل جميل ممكن تموت اجيال ،،،،،،و يومكم جميل ان شاء الله ".
في وقت سابق، كشف الفنان المصري تامر حسني عن فيديو نادر له وهو في عمر الـ11، حيث كان بطل فيلم مشروع تخرج للإعلامي عمرو الليثي.