رسب 3 مرات: أحمد حلمي يحكي تجربته مع الثانوية العامة
كشف الفنان المصري أحمد حلمي تجربته مع الثانوية العامة، عبر حسابه الرسمي على موقع الصور والفيديوهات "الانستقرام"، تزامناً مع استعدادات جمهورية مصر العربية لبدء امتحانات الثانوية العامةـ بعد أن تم تأجيلها بسبب انتشار فيروس كورونا المستجد "كوفيد-19".
فيديو ذات صلة
This browser does not support the video element.
أحمد حلمي: سقطت في الثانوية العامة 3 مرات
قال الفنان المصري أحمد حلمي، خلال مقطع الفيديو الخاص به على حسابه الرسمي: "الفيديو ده مخصوص لطلاب وطالبات الثانوية العامة، بما إن الامتحان بكره، وبما إننا بنتكلم عن الثانوية العامة فأعتقدت إن مفيش أفضل مني يتكلم عن الثانوية العامة غيري لأني خبرة؛ لأني سقطت فيها 3 سنين".
وتابع: "أنا عايزة أقولكم أني كنت بسقطت في الثانوية العامة لأني حقيقي كُنت ببقى خايف من الامتحانات، السنة الوحيدة إللي مخوفتش منها من الامتحان سقطت برده، بس سقطت لأني اكتشفت أني كنت عامل نفسي مش خايف لكن كنت خايف".
وأشار أحمد حلمي إلى السنة التي يسقط فيها، قائلاً: "حقيقي إن السنة إللي مسقطتش فيها هي السنة اللي مكنتش خايف من الامتحان بجد. وكنت بتعامل معاها على أن الامتحان عبارة عن فسفوسة، أيه امتحان الثانوية العامة؟ هيعمل فيا أيه امتحان الثانوية العامة ده؟ هيموتني؟ ما أنا حلو وجميل أهو وبصحتي وزي الفل، هيحدد مستقبلي؟ ما يحدده، أنا هذاكر وأعمل إللي عليا".
واستكمل حديثه: "هنام كويس وأكل كويس وهروح الامتحان صافي وتمام ومش هخاف ومضيعش وقتي في الخوف". وقال للطلاب: "مضيعش ومضيعيش وقتك في أنك خايف أو خايفة والرعب، امتحان الثانوية العامة فسفوسة متخدش بالك منها".
وختم حديثه: "هتحلوا الامتحان لما تركزوا في إنكم مش خايفين، وتركزوا إن في دماغكم معلومات، ركزوا ومضيعش وقتك في الخوف والرعب، وهتحلوا الامتحان وهتجيبوا المجموع وهتدخلوا الكليات إللي نفسكوا فيها".
أحمد حلمي: مش عايزين ننجح في الثانوية العامة ونسقط في الكورونا
وقال في تعليقه على الفيديو: " حبايبي طلاب الثانويه العامة بنين وبنات.. ربنا معاكوا ويوفقكوا وينجحكوا.. وخدوا بالكوا طبعا ومحدش يقلع الكمامة وبلاش تجمعات.. مش عايزين ننجح في الثانوية العامة ونسقط في الكورونا". ووجه رسالة خاصة لابنة شقيقته، قائلاً: "سهيلة بنت أختي.. شدي حيلك وربنا يوفقك يارب".
تم نشر هذا المقال مسبقاً على ليالينا. لمشاهدة المقال الأصلي، انقر هنا