عباس أبو الحسن يكشف تفاصيل تعرضه للتحرش على يد طبيب أسنان شهير
تحدث الفنان عباس أبو الحسن، عن قيام طبيب الأسنان بالتحرش بالرجال، وقدّم أبو الحسن شكره إلى رجال القانون في مصر، حيث قال: "فخور برجال نيابة مصر، واحترام خصوصية الجميع، وأوجه لهم جزيل الشكر".
وتابع أبو الحسن، خلال حواره لقاءه مع الإعلامي عمرو أديب، ببرنامج "الحكاية": "قصتي مع الطبيب بترجع لـ35 سنة فاتت، واتعرفت عليه في الجيم، في الأول مظهرش منه حاجة، وبعد سنة ولا حاجة بدأنا نعرف أنه فتح الباب على حد وهو بيستحمى وحاجات من النوعية دي".
فيديو ذات صلة
This browser does not support the video element.
واستكمل أبو الحسن حديثه: "اللي حصل مهين جدًا ، وبيحصل اضطراب وحالة غريبة لما حد يتحرش بك".
واستطرد أبو الحسن:" وبعدها اتحرش بيا تاني من 20 سنة، ومرة تالتة لقيته جاي ورايا وأنا بشرب سجارة، حسيت بإهانة، وأخر مرة كانت في شهر يونيو اللي فات جنب قسم الدقي، قالي أنت زعلان مني ده أنا بحبك ومد إيده عليّ داخل في الأسانسير وضربته".
وكشف أبو الحسن أن الطبيب شهير قائلًا : "الطبيب ده طلع معروف أنه بيعمل كده كل يوم والتاني، ولما كان حد بيضربه كان رد فعله بيكون غريب جدا، مكنش بيقاوم خالص".
وعن من شجعه على الحديث:" اللي شجعني حملة البنات في أنهم يتكلموا عن وقائع التحرش اللي اتعرضن لهن".
وتابع: "أنا فجرت القضية عن ذئب بشري، مقدرش أقول أنا اللي عملت ده.. الموضوع صعب جدًا .. التحرش بالرجل ده حاجة غريبة علينا كمجتمع شرقي، الناس مكنتش بتعرف تفتح بوقها قبل كده"
وقام رجال وزارة الداخلية بإلقاء القبض على طبيب أسنان شهير بتهمة التحرش الجنسي، بعد حديث البعض من ضحاياه ومن بينهم الفنان عباس أبوالحسن والمخرج تميم يونس الذي تحدث عن هذا الطبيب في مقطع فيديو عبر انستجرام قبل فترة.