كلمات أشهر أغاني أحمد مكي: أغلى من الياقوت وقطر الحياة
كلمات أغاني أحمد مكي، التي حصلت على نسبة عالية من المشاهدات على منصة اليوتيوب، كما تصدر اسمه محركات بحث غوغل في السعودية، خاصة أغانيه التي كانت تحمل الكثير من الرسائل الهامة للشباب.
سنخبرك في هذا التقرير عن أشهر أغاني الفنان أحمد مكي، في السطور التالية.
فيديو ذات صلة
This browser does not support the video element.
كلمات أغنية أغلى من الياقوت
يوم ميلادك يوم ما للدنيا إنت جيت
أول علاقتي بيك صوتك ما بيني وبينك حيط
سمعت صوتك إستغربت إتلخبطت إتشديت
قلبي إتنفض ما بين ضلوعي ومن الفرحة بكيت
أول ما شفتك الدنيا لفت بيّ ربي حبني وهب لي من عنده هدية
سرحت فيك ساعات فيك مني كثير حاجات
يا رب تاخذ مني بس الحلو في الصفات
وفي وسط زحمة فرحتي فجأة هجم سكات مخلوط
صور أبيض في إسود من اللي عيشته ومن اللي فات
يمكن عشان الضلمة في طفولتي كانت أكثر من نور
عيل صغير قال بسم الله و قام يعدي في بحور
مش شايف شط أو ميناء لآخر البصر مفيش أمل
كان نفسي في حد يعلمني وينصحني ويبقى لي المثل
ربك حماني وإتولاني برحمته ما فيش جدل
بعد ما كل سكة اتسدت وإسودت والباب قفل
يا رب يا كريم إهديني وقويني و وفقني لسكة تربيته على الشيء السليم
عارف إني مش مثالي بس طمعان في كرمك تخلي حاله أحسن من حالي
وأنا أوعدك يا رب ححاول أبقى أحسن أب
وإديه اللي ما شفته في نهر طفولتي اللي نضب
كل يوم بيعدي وأشوفك فيه بتكبر
بتفاجىء إن صفاتي بتظهر فيك أكثر، وأكثر
إبتسامتي وضحكتي والمشي وحتى تكشيرتي
حتى نومتك رجل فوق رجل دي نسخة من نومتي
قبل وجودك الدنيا ما كانتش فارقة معايا
قلبي ده كان خلاص قلب حجر دي مش كناية
جلدي تخن من قسوة الدنيا ومر الحكاية
بقيت زعلان على الشخص اللي شايفه في المراية
لحد ما إنت جيت غيرتني وكنت الهداية
فتحت بإيدك كل أبواب الرحمة جوايا
لما بحضنك وأحس دقة قلبي جنب قلبك
مية في المية ما حبتش في الدنيا قبلك
لما بحضر أول مرة ليك في أي حاجة
قلبي بيرفرف وأحس بألف حاجة وحاجة
إحساس غريب جزء مني إتحول إنسان
بيزعل وبيفرح وبيزرع جوايا الحنان
خايف عليك من الدنيا يا ابني مالهاش أمان
(وبدعي ربنا يحميك ويصونك (هو الرحمان
كتبت رسالة ليك عشان لو قدري وقته حان
ومش مكتوب لي أكون جنبك لآخر الإمتحان
عاوزك تكون صاحب عزيمة فولاذ حديد
مهما الدنيا تحبطك صمم خليك عنيد
خليك واثق في نفسك عن حلمك إياك تحيد
مهما إسود الليل وطال حيطلع فجر جديد
عاوزك لربك شاكر و جهد الناس تقدر
وإوعى تظلم مهما كنت قادر ربك أقدر
إوعى تفضح عيب إنسان لو ربك ستر كما تدين تدان ما تضمنش القدر
لو قلت كلمة حق والناس قامت عليك كإنهم قالوا لك مبروك تسلم إيديك
عشان الكلب الميت ضربه مش مطلوب
لكن لو كان شجر مثمر بيتحدف بالطوب
لو يوم ذنوبك تقلت إرجع لربك توب ربك لو حبك حيحبب فيك كل القلوب
ساعات بسرح وبسأل نفسي الدماغ تفكر
يا ترى حتبقى فعلا ضهري لما أكبر
لما العجز يبدأ ينهش فيّ ويجور عليّ
في عز إحساسي بضعفي حيكون قلبك عليّ
لما اللسان يتقل والكلام يصبح بطيء
وأعيد نفس الكلام أكثر من مرة أرجوك تطيق
ياما طلبت مني أعيد حكي الحدوتة كثير
وفي كل مرة كنت أعيد لك قلبي كان بيطير
لما تلاقيني قدمت ومش مواكب عقل جيلك
ما تركنيش لجهلي علمني من غير ما أجي لك
خليك عينيّ نور لي طريقي لمنتهاه
وإفتكر إني من علمك معنى الحياة
لما أبطل أقدر أمشي لوحدي خطوتين
لما أكون أضعف من إني أقدر أشرب من غير معين
لما تموت الذاكرة وبالعافية أعرف إنت مين
وجودك جنبي كفاية لحد ما يجيني اليقين
كلمتين حقلهم عندي أغلى من الياقوت
كنت معاك يوم ولادتك عاوزك جنبي يوم ما أموت
كلمات أغنية قطر الحياة
في كل لفة عقرب ساعة عمري بيتسرسب بيعدي
الناس والدنيا بتتغير، حتى الحديد بيصدي
وأنا الوحيد واقف مكاني ثابت
في ناس إختارت سكة صابت
ناس ثانية إختارت سكة خابت
إحساس قاسي وصعب لمّا الناس تشوفك فاشل
أبوك وأمك وإخواتك وأصحابك شايفينك عاطل
قوم يا إبني إسعى وحاول
والله غلبت أحاول
ياما حاولت وقبل الجول ما ييجي يطلع فاول
ما عنديش مهارة أو حتى كوسة وحوستي حوسة
ودست بعد آخر البنزين بدوسة
في كل مقابلة شغلانة يتقال لي لف نفسك بشهادتك
مدد بجنب أي حيط وخدلك بوسة
رجعت فلاش باك حسبت سنين عمري ثلاتين سنة لقيت
حسبت ثاني وثالت وإتخضيت
ببص في المراية كام شعراية بيضة لقيت
وأبويا هو اللي لسه بيصرف ع البيت
بتعامل من عيلتي على إني عالة وحالتي حالة
ثقتي بنفسي راحت النجاح بقى إستحالة
نفسي أهرب من نفسي ومن حالتي ومن عيلتي ومن الدنيا
نفسي ألقى دنيا ثانية أهرب ليها لو حتى ثانية
وفي يوم قالها لي صاحبي واللي يدلك على الطريق
ما يفيدش صاحب غير صاحبه، إسمع من الصديق
قال لي في قعدة ضرب حلوة بالليل عاملينها
سألته هاش؟ ضحك، قالي "بيسة" قلت له لا أدمنها
قال لي ما تخافش، مش ممكن تدمن من أول شكة
أقنعني، بالليل فعلاً شككني أول شكة
مفاصلي ساحت وإرتاحت وروحي راحت
بكلم نفسي من جوة وبرغي ومن برة ساكت
همومي شبه تاهت والرؤية باهت في باهت
كل مشكلة كانت عندي في الدنيا ماتت وتاهت
عدّت ساعات في ثانية لقيت الصحبة قايمة
دخلت بيتي وش الفجر عيلتي كانت نايمة
دفنت نفسي تحت البطانية جسمي متلج
نمت في أقل من ثانية نومة واحد متبنج
قطر الحياة بيعدي بسرعة، سنة في سنة في سنة
وأنا زي ما أنا من لما كان عندي سنة
هي، هي الحياة، هو، هو أنا، أنا
زهقت طهقت من الحياة تقدر تقول مليت أنا
صحيت وفقت رجعت ثاني للواقع والعكننة
عدّى النهار بطيء كإنه كام شهر وسنة
نفسي النهار يعدي بسرعة وأضرب ثاني
أرجع ملك زماني بعيد عن العالم اللي رماني
خلّوني أضرب معاهم كل يوم وبتعزم
خلاص دخلت السكة والطريق بيترسم
فاجئني صاحبي في يوم
قالها لي في وشي خف تعوم
أجيب فلوس منين ليّ وليك نضرب كل يوم
شخشخ جيبك يا من قعدتنا دي تكون محروم
من النهار ده مفيش ضرب ببلاش، مفهوم؟ مفهوم
روّحت وثاني يوم في معاد الضرب جسمي إتكهرب
كرابيج في ضهري ومناخيري سايلة وبتسرب
عاوز أضرب، منين أجيب فلوس؟ منين أجيب فلوس؟
بدأت أستلف من كل اللي أعرفه وأدوس
وحتى إخواتي خدت منهم ياما فلوس دروس
كله كرهني وبيهرب مني تقلت على النفوس
خمسين جنيه في خمسين في مية في مية
بسرق يوماتي فلوس من البيت وكله شك فيّ
نزلت بعت كل حاجة جات لي في يوم هدية
خلّصت فلوسي لحد فى يوم ما جات لي فكرة هي، هي
ذهب أمي، موبايل أختي، لاب توب أخويا
سرقتهم نزلت أهرب من البيت وقفني أبويا
حاول يمنعني مسكني من إيدي جامد زقيته
إتخبط في الحيط، و بص لي إزاي إبنه وآذيته
خذ مني كل حاجة وتربس الباب غضب
ساعتها طلبت أغرب حاجة ممكن تتطلب
عاوز فلوس حالاً يا إما حرتكب جريمة
إتهمني بالجنون وإداني كام شتيمة
ببان كل الأوض بتتفتح، عيلتي بتتفرج
لسه بيستوعبوا يمكن ده جد يمكن بنهرج
سحبت بنت أختي ثلات سنين ناحية شباك
هاتوا الفلوس لا أرميها، فجأة زاد الإرتباك
أمي بكت بحرقة قدامي فقت لثواني
رمت لي فلوس وبصوت عالي، ما أشوفش وشك ثاني
إمشي ملكش أم يا أبغض من شيطاني
خذت الفلوس وجريت عارف مش راجع بيتي ثاني
قطر الحياة بيعدي بسرعة، سنة في سنة في سنة
وأنا زي ما أنا من لما كان عندي سنة
هي، هي الحياة، هو، هو أنا، أنا
زهقت طهقت من الحياة تقدر تقول مليت أنا
خسرت كل أهلي وأصحابي بقيت وحيد
ومنين هجيب فلوس لازم ألقى طريق جديد
فجأة إفتكرت جار من سني ساكن لوحده طول عمره
أبوه في إعارة برة مصر وشهري فلوس يبعت له
شديته زي ما إتشديت أنا لنفس الطريق
لقيت مصدر فلوس جديد وبيت ولقيت صديق
نضرب سوا بفلوسه وفي بيته وملناش ظهور
شقى سنين أبوه خلص كله في أربع شهور
وفي ليلة بنضرب جات له مكالمة ما صدقهاش
أبوه عرف إن إبنه بيسرقه وإتنقل الإنعاش
كل عصب في جسمي إتوتر، زودت الجرعة أكثر
الجرعة المعتادة خلاص ما بقيتش تأثر
شريط حياتي بيتعرض قدامي أغبر في أغبر
ضربت السم في عروقي زودته أكثر وأكثر
نفسي أفنى وأخلص من الدنيا زي المية أتبخر
كمان زودت سِنة جسمي كله إتلون أصفر
صاحبي إتفزع قام وإتسرع، مالك أصفر ليه يا جدع
جسمك عرقان وبتترعش زي اللي من الحية إتلدع
رغم إني غرقان في العرق، جسمي متلج موجوع وجع
من خضتي جيت أصلب طولي، جسمي على الأرض إترزع
جسمي رافض لكل أمر مني القوة إتهدت
والدنيا بتضلم تدريجي و واحدة واحدة إسودت
آخر لقطة في حياتي شفتها كانت مأساة
صاحبي مرعوب وبيراقب فراقي للحياة
قطر الحياة بيعدي بسرعة، سنة في سنة في سنة
وأنا زي ما أنا من لما كان عندي سنة
هي، هي الحياة، هو، هو أنا، أنا
زهقت طهقت من الحياة تقدر تقول مليت أنا
عمري بسرعة إنتهى
رجعت شريط حياتي ما لقيتش فيه حاجة عدلة تتذكر لي عملتها
حياتي راحت مني كلها ضيعتها
ندمان على كل لحظة غامقة في يوم أنا عشتها
يا ربّ إديني فرصة ثاني أرجع للحياة
حمشي في طريقي صح لحد آخر منتهاه
دي حاجة صعبة فعلاً إنك تختفي من الدنيا
والناس ما تفتكركش بحاجة حلوة لوجه الله
كلمات أغنية منطقتي
منطقتي، دي حياتي، وفيھا أجمل ذكرياتي
أكبر مدرسة متعلم فيھا، الدنيا و واخذ خبراتي
دي أصحابي فيھا، وجيراني فيھا، وحبايبي فيھا
ما في غيرھا جيھا تتحامى فينا، نتحامى فيھا
ما إحنا اللي ليھا منطقتي
منطقتي ھي الطلبية
أول صحاب وحب وعدية كانت فيھا ھي
أكبر غواي حمام شربت منھم أصل الغية
فوق كل سطح في الطلبية مية فوق طبلية
رويت غزار وبرك وشقلباظ عبس والرية
حمامھا غطى شمس في السما في المغربية
أحلى عصير قصب يروي عروقك ساعة الظھرية
ما في في حلاوة طعمه ولو لفيت الدنيا ديّ
قالوا عليھا منطقة عوق وناس مؤذية
آه فيھا ناس ناشفة تاكل زلط وبلطجية
وناس قلوبھا بيضة وطﯿبة ومية، مية
كل أنواع البشر تلقا منھا جوة الطلبية
سألت نفسي في يوم سؤال
ليه كنا بنتخانق وندافع عنھا ضد الغرب حتى وإحنا عيال ؟
من غير تفكير نسخن نغير ننزل نتخانق وندافع ما يھمناش لو فيه سلاح أو حتى دم سال
بالنسبة لي، مش بس منطقة دي مدرسة
إتعلمنا يا ما دروس في الدنيا طلعنا ھندسة
حبي ليھا، مالوش سبب حاسسھا حتة مني
لو طلعت من منطقتي، منطقتي مش طالعة مني
منطقتي دي حياتي وفيھا أجمل ذكرياتي
أكبر مدرسة متعلم فيھا الدنيا و واخذ خبراتي
دي أصحابي فيھا وجيراني فيھا وحبايبي فيھا
ما في غيرھا جيھا تتحامى فينا نتحامى فيھا
ما إحنا اللي ليھا منطقتي
ولاه منطقتي
قول ياض
منطقتي
سر حبي ليھا إرتباطي بالمكان
وﻻ إني عشت فيھا أحلى ذكريات زمان
أيام ما كانت الحالة مايلة، والإيد مش طايلة
بس الناس كانت لبعض والحب في قلوبھا شايلة
عيشة أبسط من البساطة
في الحر تستمتع بشغب تمر وفي البرد تاكل بطاطة
لو حد عنده مشكلة تبقى مشكلة الكل
لو حد عنده فرحة تبقى ليلة الحتة فل
عيشنا ياما أيام محدش فينا شايل ھم
مھما كانت مشكلتك كله بيساعدك عشان تتلم
كانت أحلى قاعدة ھي فوق السطح جنب الغية
ريحة الرحان مالية المكان زرعته في الأرضية
أشرب حجر كومباجو قھوة سكريبتو مش مغلية
أفكر وأسرح والسما في لحظة غروب سحرية
كل ركن في حتتي له ذكرى ما أنسھاش
وعارف كل الناس أطفال شباب أو على المعاش
مھما قالوا عنھا ومھما زموا فيھا كثير
ھتفضل حتتي وليھا فى قلبي أكبر تقدير منطقتي
منطقتي دي حياتي وفيھا أجمل ذكرياتي
أكبر مدرسة متعلم فيھا الدنيا و واخذ خبراتي
دي أصحابي فيھا وجيراني فيھا وحبايبي فيھا
ما في غيرھا جيھا تتحامى فينا نتحامى فيھا
ما إحنا اللي ليھا منطقتي
ولاه منطقتي
قول ياض
منطقتي
آه منطقتي، دي حياتي
آه منطقتي