كلمات قصيدة وحشتيني عمرو حسن.. إليك كل النسخ حتى 2024 مكتوبة وكاملة
كلمات قصيدة وحشتيني عمرو حسن مكتوبة
كلمات قصيدة وحشتيني عمرو حسن Mp3
كلمات قصيدة عمرو حسن وحشتيني 2
كلمات قصيدة عمرو حسن وحشتيني 3
قصيدة وحشتيني، تعد واحدة من أشهر قصائد الشاعر المصري عمرو حسن، حيث طرحت كلمات قصيدة وحشتيني لأول مرة عام 2015، ومن حينها لاقت رواجاً كبيراً في مصر والعالم العربي.
فيديو ذات صلة
This browser does not support the video element.
وساهم النجاح الكبير الذي حققته قصيدة وحشتيني في لفت أنظار الجمهور المصري والعربي صوب قصائد الشاعر عمرو حسن، وهو ما جعله يطرح نسخة جديدة منها في عام 2019 بعنوان "قصيدة وحشيني 2".
وفي عام 2021، واصل الشاعر عمرو حسن سلسلة قصائد وحشتيني، بطرح أحدث نسخ هذه القصيدة بعنوان "وحشتيني 3".
ويقدم "رائج" في السطور التالية كلمات قصيدة وحشتيني عمرو حسن مكتوبة بكافة إصدارتها.
قصيدة وحشتيني عمرو حسن
كلمات قصيدة وحشتيني عمرو حسن
كلمات وحشتيني عمرو حسن
وحشتيني
ولو كل اللي عارفينك قالولك إني مانفعكيش
ولو كل اللي عارفيني قالولي بكره تنسيني
وحشتيني
ولو كل البشر قالوا ان انا عاصي
واني غلطت ف حياتي غلط ياما
ده واد تلفان وكل يومين معاه واحدة
وحتى فلان زعل وياه عشان واحدة
انا أصلا مانيش يوسف
ولو زوجة العزيز همت
وقالت هيت لك يا جميل
يجوز راح أميل
وممكن أضمها جهراً
يسيل من ضحكها نهراً
تدوب الأغنيات ف النيل
لكن مهما هاشوف وهاطوف ومهما قابلت ناس وظروف
هتبقي لوحدك القشة اللي جيت علشان تنجيني
وحشتيني
وحشتيني
ولو كل اللي عارفينك قالوا لك إني مانفعكيش
ولو كل اللي عارفيني قالوا لي بكره تنسيني
وحشتيني
مافيش إنسان مالوش ماضي
مافيش راجل مالوش أخطاء
لكن دايماً ف نقطة ضعف
ونقطة ضعفي هي أنتي
وطول الوقت كنت بأقول
انا مابقتش عاوز شيء سواكي أنتي
باحس معاكي إني مسيح
براءتك عاملة زي الريح
بتكنس فالغلط بهدوء
وبابقي فضحكتك سكران
ومش عاوز لا أنام ولا أفوق
وكان فيه حل والله
وكان ممكن أكون بالوقت زوج صالح
ماليش ف المسئولية ساعات
ساعات طايش
لكن بالوقت كان ممكن أكون أحسن
تسامحيني ف غلط فالت
وهاحلفلك بإني هاصلح العدلة التي مالت
بلاش تمثيل عشان أصلاً
صياعتي وفشلي من غيرهم
ماكانش يجوز تحبيني
وحشتيني
ف كل مكان ف ذكرى معاكي متسابة
ايديا ف ايدك الطفلة باعدي معاك ف الشارع
ملامحك وانتي بتسمعي فيروز
نهارك وانتي بتواجهيه بشاي بحليب
وحكاياتك على صحابك
فلانة بتكرهك جداً
فلانة قالتلي ماتشوفيهوش
كلام قولتيه وكان لازم
ف وقت الجرح ماتقوليهوش
اكيد دلوقتي بتقولي
زمانه مولع الدنيا
بيغلط كل يوم عادي
خلاص فاكك بقا ومرتاح
وانا والله ف قيودك
كطير من كتر ما اتقيد
طلعله جناح
انا ف البعد متحاوط بطيف ريحتك
ولسه لحد هذا الوقت فاكر شكل تسريحتك
وتنهيدك
وشكل الساعة علي ايدك
طريقتك وانت بتغني
بعيد عنك حياتي عذاب
حياتك ايه بعيد عني
يا دنيا عرفتها فجأة
وارض لمستها بشويش
يا أطهر من رقم فلكي
ف عداد اسمه أكل العيش
بتحكمي ليه على غيابي
وف حضوري بتنسيني
رفضتي ان انتي تتسابي
وفجأة انتي اللي سيبتيني
وحشتيني وحشتيني وحشتيني
كلمات قصيدة وحشتيني عمرو حسن Mp3
كلمات قصيدة عمرو حسن وحشتيني 2
وحشتيني 2 كاملة عمرو حسن
غيابك طال
وبوّختي في هزار بعدك
انا بعدك عرفت اني ماليش بعدك
كبر سني
يا أول حاجه احوِّشها واشوفها بتتسرق مني
ابص من الغياب ع الباب واقول بالوقت هتحني
قعدت استني واتحولت
لشطره ف غنوة الاطلال
غيابك طال
خصامنا مهما كان بيطول
مكانش ف بالي يقلب جد
ومتطوح لا عارف اغيب
ولا بشكي اللي فيا لحد
بقيت زاهد ومش مشغول
ولا برحيل ولا بوصول
وباسكت واما قلبي يقول
بقول فينك ؟؟؟؟؟
ياريت كل اللي عارفينك .. قالولك اني بيكي بعيش
ياريت كل اللي عارفيني .. سابوني ف شكي ويقيني
وحشتيني
وحشتيني ... رماني الشوق عليكي من يومين فايتين
فتحت رسايلك السابقة من الآخر
فضلت اقراها واطلع فوق
وكل ما تنتهي دمعه تسيل أخرى
وكل ما تنتهي جملة يهِف الشوق
- ما فيش داعي لكلام تاني ... لقيت منك مكالمة الصبح! في حاجة؟؟
- يا ريت لو شفتي رناتي تردي حتى برسالة
- مالوش لازمة الكلام ده خلاص .. دي آخر مرة أقلهالك ما تتكلمش
- خلاص مش طايقة مني كلام .!
نقطة .. علامة إستفهام .. نقط أكتر .. تعجب .. نقطة .. إستفهام
- انا عاوزك يا ريت تتصلي من فضلك
فضلت أقرا .. فضلت أرجع .. شهور وايام .. شهور وايام
كلام متقال كأنه النار في كومة قش
رصاص طالع من الشاشة لقلبي الهش
رجعت أكتر .. فضلت أرجع .......
وفجأة لقيت كلام أجمل .. كلام أجمل
ورود ووعود .. كلام في الحب وسنينه
جُمل من أغنيات الست
فضلت اقرا .. وكل ما أقلب التفاصيل .. تزيد سنوات على سنيني
رسالة توّدي لرسالة ... أهو رجعتي تحبيني
فضلت ارجع . وكل ما اراجع الأيام تروّح دمعتي لعيني
فضلت أرجع .. لحد ما رحت للآخر ......
وفي الآخر لقيت أول وحشتيني
وحشتيني
بحطة ايدك الناعمة أنا ما زلت
و وزني زي ما هو لكنّي تقلت
وبمشي لحد ما بنسى بإني وصلت
طباعي ثابته ما اختلفتش
برَّبي كلاب .. بسيب واتساب
دوا المعدة 3 مرات بفوِّت مرتين منهم
وكالعادة في كام موضوع بيرفض عقلي يحسمهم
ورقمي زي ما هو ... وبرايا رقيد جوه
بفتكرك اذا بصيت بالليل من الشباك واقول حتفوت
ياخدني بعدها سرحان .. يرد سكوت
حبيبك كل يوم بيموت لكن واقف على رجليه
وضِحكُه مع الصحاب طالع لكن برضه في شيئ في عينيه
لا بد الشيئ ده يبقى سؤال رفضتي عليه تجاوبيني
وحشتيني 10 مرات وانا بكتب وحشتيني
وحشتيني ولو كان الزمن بقى غير .. خمس سنوات وحشتيني
ولو حتى الظروف صادّة .. وحشتيني فرجوع الطير لعش اتهد من مدة
بقيتي نشيدي وحكايتي .. وصمتي وصوتي ومرايتي
بقيتي نهايتي وبدايتي .. ومعجزتي اللي جيت بيها
جدع زيي مخبّي الدنيا في جيوبه
لكن اشواقه ليكي تبان ومش عارف يخبيها
لا عشت معاها يا قلبي ولا لك نبض بعديها
بشوف نفسي في ظهر الباب .. براجع كل لوم وعتاب
ومستني الزمن يصفى .. وبرد الأمنيات يدفى
ويصفالي الزمن مرة .. وتنسي الدنيا وتيجيني
خمس سنوات ... خمس سنوات .. وحشتيني ... وحشتيني
وحشتيني
جدع زيي مخبّي الدنيا في جيوبه
لكن اشواقه ليكي تبان ومش عارف يخبيها
كلمات قصيدة عمرو حسن وحشتيني 3
كلمات قصيدة وحشتيني ٣ عمرو حسن 2021
م الكون الضخم المتقسم بحر ووديان
للقارة السمرا المليانه بأشكال والوان
لبلدنا اللي النيل ف جبينها بيزرع بستان
لمكان وسط القاهرة مأهول زحمة وسكان
للبيت ف زاويته قاعده أجمل واحدة بأجمل فستان
وبتملى مكان ف كيان الشاب التلاتيني
باهدي لتالت مرة النص اليكي
وبسيب ف ايديكي جواب ف بدايته
وحشتيني
ولو كل اللي في الدنيا قالولك اني خاب أملي
ولو كل الظروف حالفين تفارقيني
وحشتيني
ويوحشني اللي من ريحتك ولو ورقة
واحب الجي من طرفك ولو طلقة
واغير من أي شيء لمسك ولو شعري
واسامح أي شيء منك ولو باعني
تودعني الحياة
وماتمناش ف يوم صورتك تودعني
ياورداية ف جبل روحي
يا أول شمس في الدنيا
ياشيء
Well Done
يا
Only One
يازوجتي الأولى والتانية
معايا حتى ف غيابك
ومش شاغلاني اسبابك
شاغلني انك لازلتي بخير
وده معناه بان الدنيا لسه بخير
وان الزهرهيفتّح على اغصانه
وان النورس الشارد هيتمتع بشطانه
وان خيالي هيحاوطك بأحضانه
ويطلق في سماكي الطير
مايشغلنيش سوى انك
تكوني كيف ما أقول عنك
وتبقى زي ما ارضالك
وتديني الحياة فرصه اسدد بعض افضالك
ولو كان فضلك الأكبر
انك يوم قابلتيني
وحشتيني
وتفضل فيا ذكراكي نسيم عابر
يا أجمل حاجة في الاشعار
وأجمل حاجة في الشاعر
ياست الجهر والأسرار
ياناعمة والطريق واعر
بحبك مهما طال البُعد
ولسه قلبي عند الوعد
وحتى الفعل وانا وحدي
كإنه بنعمله مع بعض
لا عمري نسيت تاريخ بيننا
ولا صورة ولا ذكرى
بنام اليوم وكلي طموح بإني هالمحك بكره
بتمحي غيابي بوجودك وايدك تحضن الاُكره
بقول لو حتى فات العمر وصرت مُسِّن في السبعين
تساعني نظرتين عواجيز
ويكفوا ضحكتين شايبين
ونسمع حاجة من فيروز
تاخدنا ليوم ماشوفتيني
وحشتيني
ولو عايروني بغرامي
وقالوا عليا عايش وهم
هاكون الإيد اذا كيوبيد بيطلق في اتجاهك سهم
ولو قالوا ياعيني حرام
عشقها الواد وتاه فيها
هتبقي غصب عن عينها
حياتي وأغلى معانيها
ولو قالوا دي ساحراله وعملاله عمل بالشوق
ولو قالوا انا انا اتجنيت
بقسوة او بصنعة وذوق
ف لو ده سحر انا قابل
ولو ده جنان انا قابل
ولو حُبِك اثر خمرة ما احبش افوق
واه انتي نقط ضعفي
واه حابك على عيوبك
واه ضلك
واه قلبي اللي فاضل لك
واه دايماً باطبل لك
واه بإشارة محسوبك
كلامهم عندي مش فارق
ومش هافقد امل ف رجوع
مافيش مواضيع اقولهالك
غير انك وحدك الموضوع
وان حياتي ناقصاكي
وقلبي سابني ومعاكي
وان عنيا شايفاكي
ف اول كرسي ف يميني
بتدي ضحكة للدرويش عشان يلقي وحشتيني
ف لو كل اللي عارفينك قالولك اني مانفعكيش
ولو كل اللي عارفينني قالولي بكره تنسيني
وحشتيني
وحشتيني ٣ كاملة عمرو حسن
إليك قصيدة عمرو حسن وحشتيني ٣ للمرة الأولى:
كلمات قصيدة بطلتي توحشيني عمرو حسن
عمرو حسن بطلتي توحشيني 2022
في الليل والناس نيام والكل ف حاله سارح
مر عليا الكلام مسنون وحزين وجارح
الست ساعاتها غنت ف الراديو لسه فاكر
والنحلة النايمه طنت لما صحيوا العساكر
وعساكر الليل دماغي ف خناق حيجيبوا داغي
والشوق عمال يلاغي والقلب ضعيف وناكر
في الليل والناس نيام والكل ف حاله سارح
عدا عليا الكلام مسنون وحزين وجارح
الست ساعاتها غنت ف الراديو لسه فاكر
والنحلة النايمه طنت لما صحيوا العساكر
وعساكر الليل دماغي ف خناق حيجيبوا داغي
والليل عمال يلاغي والقلب ضعيف وناكر
اكتب عن وصف ألمي ولا عن بُعد ناسي
ولا عن حب خادني وشاغلني وهو ناسي
الصبح مناموا فارقو وخلاه هجر السراير
والقلب هياموا سارقوا والعقل نشيط وفاير
انا لما كتبت شِعري ووصفت الوحشة ليكي
رخصت بنفسي سعري املآ شعري يراضيكي
ولقيت ولا شعر نافع ولا قلب البيت أويكي
عمال ادفع وأدافع عن حق الشخص فيكي
مش عارف أقول كرهتك مش عارف أقول ناسيكي
كملتك الف مره منقصتش الا بيكي
النور شقشق ولالاه والحالة تجر حاله
والهم اللي في فؤادي واصل لله تعالي
هو العالم ب أمري وبفعلي يطول سنيني
هو العارف ب أني كاتم ف الليل أنيني
كان نفسي تحسي بيا كان غرضي تفهميني
تمحي الحزن اللي فيا تتراضي وتراضيني
وادي الحزن اللي اخدتوا والجرح اللي اعتمدوا
بيقول قلبي ب إرادتوا بطلتي توحشيني….
انا…..؟!
أنا ياما ساعيت ف حبك… انا ياما سعيت ف حبك
وعملت لبكره شادر وانتي مع كل مره تيجي زي اللوادر
بتهدي علي املي وتحلي بشكل عملي
كنتي بتجيبي أجلي وانا كنت تمام وحاضر
خبطي فتحتي بابي عمري ما قفلتوا مره
جرحك فوق استِيعابي والموجه تملي حاره
العمر ف وهموا عدا والعدا تجر عدا
اله جهزه ومعده علشان تقتل عتابي
انا جاي من الشعب عادي وانتي بنت الاكابر
ساكنه قرب المعادي ساكن قُرب المقابر
حولتي الغلطة فيكي عملتي عليا حاكم
وبقيت عايش….!!
وبقيت عايش لوحدي مترمي ف المحاكم
الغلطة تملي عندي الجرح تملي ليا
عايش ف الشوق بلاكم بضرب وبتيجي فيا
العمر بيجري قطروا والشطر يجر شطروا
وشتايا ف عيني مطروا ولا واحد حس بيا
انا من ساعه ميلادي وانا بحكي القصة ديا
هو كان حب هيا مبقاش حابب وديني
بطلتي توحشيني..
من اول حد قالي اني موهوم وغافل
ولأخر شخص ملي ولقاني عنيد وقافل
وانا ماسك توب رجايا وبدور طحن ف رحايا
واتاري الشوق عصايا والضرب شديد وحاسم
كان عقلي يقول غيتوني والقلب يقول تمهل
والدمع يصيب عيوني والخد يقول مؤهل
كنت ارفع ظني فيكي وامسح بالحب تحتوا
قلبك عور براحتوا قلبك خبط براحتوا
وانا كنت وحيد وحاير بين قطم الشيء ونحتوا
الزرع ده اه فلحتوا والباب ده انا اه فتحتوا
مش بس قبلت قلبك وكمان برءت ساحتوا
انا ف العالم بحالوا ما في واحد حب قدي
عشمان ف سلام مؤجل
عشمان ف حديد مصدي
الكلمة سخيفة عدي
المركب شارده هدي
الدنيا ضبابي لندن
وشايفها سويسرا وردي
ملكتك نص ارضي جرصتي سنين ف طيني
بطلتي توحشيني..
الحب يعز صاحبوا والحب يزيد مقاموا
بيبان ف عنيه وصامته وف شكل ونوع سلاموا
ويبان علي كل حركه ويكون فعلوا وكلامو
وانتي لو جاي منك كان بان ف سنين ما بينا
الزين ينهض ويمشي والشين يعرف مقاموا
انا نادر باقي عمري للي حتصوني بعدك
عمري ما خلفت وعدي عمرك ما وفيتي وعدك
بكره يقابلني خيلي وانتي حتموتي وحدك
وانا ببدء صفحه بيضه صفحه واسعه وعريضة
مشتاق لحياه جديده والبنت تصون هوايا
كان لازم أعيش عذابك علشان اعمل بداية
وادي ختام الحكاية
مريت مريتي يمروا سنوات عمري اللي كروا
عمر الاشواق ما سروا
فاروا ب اوجاعوا وفروا داروا الاحباب ودروا
باروا ساعت ما بروا
عيروا بهموم وعارو
غاروا ساعه ما غروا
احلي الإحساس امروا
واوفي الإحساس اشروا
ابرد إحساس احروا
جاروا وببطيء جروا
نزفوا الدمعات وخروا
واليوم صحيوا استقروا
ف خلعتك من روتيني
بطلتي توحشيني
الشاعر عمرو حسن
عمرو حسن هو من مواليد 17 أغسطس 1987، بحي العصافرة في الإسكندرية ثم انتقل بعدها للعيش بالإسماعيلية حيث كان والده يعمل مترجما ومع تطور أدوات الترجمة ترك الوالد عمله، تخرج في كلية التجارة جامعة قناة السويس عام 2010 بدأ كتابة الشعر عام 2004م وأنتج أول ديوان شعري عام 2008.