هنا الزاهد تنعي طلعت زكريا زوج والدتها وفيديو يكشف رد فعلها لحظة موته
نعت الفنانة هنا الزاهد وفاة طلعت زكريا زوج والدتها الذي رباها لسنوات، بنشرها آخر صورة جمعتهما مع رسالة تذيب القلوب من خلال حسابها الرسمي عبر "انستقرام".
فيديو ذات صلة
This browser does not support the video element.
وكتبت هنا الزاهد في رسالتها: "دي اخر صورة اتصورتها في كتب كتابي مع ابويا و حبيبي و سندي اللي كبرت معاه سنين. انا فتحة الصورة دي من بدري و عايزة اقولك انك ربنا هيدخلك الجنة يا اطيب خلق الله انت ربيت ٣ بنات و كأنك ابوهم و اكتر."
وأكملت النجمة المصرية بأسى: "انا عايزة اقولك اني معرفتش كلمة بابا غير و انا معاك. عمري مقولت اصلا تقريبا بابا غير ليك. كنت بجري عليك اول معمل حاجة غلط عشان تدافع عني قدام ماما. فكرة اول بيض اوملين و قولتلي اعملي مطعم " بالهنا و الشفاه" و اديتني ١٠٠ جنيه عشان تشجعني اطبخ. ".
وأنهت هنا الزاهد رسالتها المحزنة بهذا التعليق: "كنت دايما تقولي انت هتبقى حاجة كبيرة و كنت بتشجعني. كنت فخور بيا لما اتخرجت و عيط اليوم ده. انا عمري محسيت انك مش ابويا اللي مخلفني. انا مش مصدقة اني مش هشوفك تاني و اقولك زازي يا زازي.. نفسي ترجع و اقولك قد ايه احنا بنحبك كلنا و ا قولك انك اعظم ممثل. انا بحبك اوي و مكنتش اعرف اني بحبك اوي كده. هتوحشني يا احن انسان عرفته في حياتي. ارجو الدعاء".
من جهة ثانية، انتشر مقطع فيديو يبين رد فعل الفنانة الشابة وإيمي طلعت زكريا ابنة الفنان الراحل أثناء تلقيهما خبر وفاته خلال وقوفهما أمام المستشفى التي كان يتلقى علاجه بها، حيث نشرته أولاً صحيفة "الوطن" ثم تداوله رواد السوشيال ميديا بكثافة.
This browser does not support the video element.
وكان طلعت زكريا قد رحل عن عالمنا عصر أمس 8 أكتوبر عن عمر يناهز 58 عاماً بعد صراع طويل مع المرض.
تم نشر هذا المقال مسبقاً على ليالينا. لمشاهدة المقال الأصلي، انقر هنا