شهامة ومواقف إنسانية..النجوم يكشفون الجانب الآخر من حياة مصطفى درويش

دون الكثير من نجوم الفن قصص ومواقف إنسانية تميز بها الفنان الراحل مصطفى درويش، والذي توفى اليوم أثر تعرضه لأزمة قلبية مفاجئة.

من النجوم الفنانة داليا البحيري التي كتبت عبر حسابها الرسمي على موقع الصور انستغرام: " مشتغلناش مع بعض واعرفه زي معظم الناس كواحدة من جمهوره وسبحان الله كنت بحس انه راجل جدع وابن بلد وكنت بحب شغله وبحبه لله في لله …انصدمت لما سمعت الخبر زي معظم الناس ولقيت التايم لاين كله صور ليه ومواقف جدعنة وزي ما توقعت شخصيته تكون بالظبط ….الف رحمه ونور ربنا يتغمدك برحمته الواسعة ….دي تذكرة وعبرة بسيطة لكل اللي بيشغلوا الممثلين فوق طاقتهم وعدد ساعات غير آدمية !!! ارحموا من في الارض".

 

 

 

 

View this post on Instagram

 

 

 

 

 

 

 

 

 

 

 

A post shared by Didi Mahmoud (@daliaelbeheri)

فيما قالت الفنانة إيمان العاصي، عبر حسابها الرسمي على فيس بوك: "ماكنتش لسه عرفاه شخصيآ بس كنت اسمع انه عنده مطعم بيفتحه أوقات معينه في اليوم لأي حد محتاج كلمته وسألته قالي طبعآ هجيلك برجلتي روحت علي المكان لاقيت كذا عربيه مليانه واجبات كتير أكتر من عدد الناس و رجاله كتير بتساعد وتوزع وكان عاوزنا نعمل كدا كل يوم …وأمني أمانه كل ما نعمل كدا أكلمه أنا غصب عني بكره الموت قوي صدمه كبيره يا مصطفي اللهم لا أعتراض".

 

فيما دونت الصحافية عبير الستار عن ما قدمه درويش من إطعام خلال شهر رمضان، وقالت: "دلوقتي وبعد وفاته اقدر اعلن عن الخير اللي كان مصطفي درويش بيعمله معنا من سنين وفي الخفاء مصطفي كان بيشارك معنا في اطعام الصائمين في رمضان وشراء الادوية واعانات شهرية ده غير الوجبات اللي كانت بتطلع من المطعم عنده اخر حاجة مصطفي عملها شراء ملابس العيد  لايتام وصمم ان الاطفال يختاروا اللبس بنفسهم  دعواتكم ليه بالله عليكم  ربنا يجعل عملك في ميزان حسناتك ويغفر لك ويرحمك مش مصدقة يا مصطفي لسه لا حول ولا قوة إلا بالله ".