شعر مدح

ما أجمل أن نتبادل أبيات شعر لمدح أصدقائنا والأهل والأشخاص المهمة في حياتنا، نقدم لك أبرز أبيات الشعر للمدح للرجال والأصدقاء.

شعر مدح قصير

ميزك بالحسن
يا الظبي الشرود
يستمد البدر نوره
من ضياك
ومن خدودك تأخذ
ألوانها الورود
****
سميت باسم الله
وقلت هذا خيال
كيف يجتمع
كل الزين بإنسان ؟
الحلى و الطيب
والسحر الحلال
والبسمة اللي
تجذب
الإنس و الجان
النظرة الخجلى
تناديني برغبة تعال
والكلمة الحلوة
تعزفلي جملة الحان
قلتها بأعلى صوت
وغنيتها موال:
الله لا اجتمع كل الزين بإنسان

يابنت انا مخلوق وانا رافع الراس
ماني دني مثل الي تخبرين
طبع الوفا فيني من الراس لين الساس
وكل البداوه بي واهلي عزيزين
لي هامة عليا وشموخي ماوصلوه الناس
هذي حدودي الحذر لاتخطين

****
الوفاء في غير قلبك مالقيت.
وإن مدحتك بالقصايد ماوفيت.
أعتذرإن كان في يوم قسيت
والعذر إن كان صديت أو جفيت.
فأنت السيف لامني اعتزيت
وإنت أغلى شخص في عمري لقيت.
****
سجلت لك في صفحة الطيب ميلاد
بين الرجال الي عريقة نسبها
ترفع لك الراية على رؤس الامجاد
وان شبت النيران تخمد لهبها
وان كان لأهل الطيب سيد وأسياد
ترى أنت سيدها وسيد عربها

شعر مدح للرجال

يا شيخ أنا جيتك على الفطّـر الشيب  قـزان من دار المحبين دباب

دبــا عليّ ودب مـني بتـقـريــب   قل المـواشي يا ذرا كل من ها

من دارنا جينا لدارك مغاريب   يموم نجم لا تغير ولا غاب

متخيرك يا منقع الجود والطيب   لا خيب الله للاجاويد طلاّب

سلام من قلب محب بلا ريب    له يستتاب الشاب ويشب من شاب

يا لجوهر الناريز يا لعطر يا لطيب   يا لصعل يا لصهال يا حصان الا طلاب

يا لزير يا لزحار يا لنمر يا لذيب    يا لليث يا للايوث يا لشبل يا لداب

يا الضاري الضرغام عطب المضاريب    يا لفرز يا مفراض ضده والاجناب

يا النادر الهليع عقاب المراقيب    يا نافل جيـله بعيدين واقراب

نطاح طابور العساكر الى هيب   ستر العذاري لى غشى الزمل ضبضا

عيبك الى من قالوا الناس بك عيب    بالسيف لارقاب المناعير قصاب

وعيبك الى من قالوا الناس بك عيب    للسمن فوق مفطح الحيل صباب

وذبح الغنم والكوم حرش العراقيب    وعطا المهار وبذل مال بلا حساب

وبك شارةِ كبّ الفراد المحانيب    وبذل الطعام وللتنافيل كسّـاب

نمراً تجرده للعدا والأجانيب        تفجا بها غرات ضدك بالاسباب

ومن عقب ذا بالعون ما بك عذاريب   أحلى من السكر على كبد شرّاب

جيناك فوق الهجن شيب المحاقيب   لمشاهدك يا شوق وضّاح الانياب

الحرّ يضرب بالكهوف المعاطيب    والتبع قنّاصه من الصيد ما جاب

وانت الذي تافي بكل المواجيب    كنك " هديب الشام " بالحمل عتـّاب

تثني لابو صلفيق ما به تكاذيب    شيخ الصخا معطى طويلات الارقاب

يا ما عطيت اللي يجونك طلاليب    كم واحدِ جا لك من الوقت منصاب

وفرجت همه في كبار المواهيب    من عليم يزمي كما يزمي "الزاب"

عزّ الله انك طيب وتفعل الطيب  والطيب يجني منك يا زاكي الانساب

عبارات عن المدح

-ذهبت للسوق حتى أشتري ساعة غالية بس ما لقيت أغلى من الساعة الى شفتك فيها
-الحواس خمس وانت سادسها. العجايب سبع وانت ثامنها. الحياة وحدة وانت شاغلها

-القلب مجلس والمحبه تقهويك .. فنجال ماتستاهله غير يمناك

-انا شوفتك ماشى قلبى اتحير قلت دغزال ولاعجل صغير

-يمر الوقت والدنيا تغير كل شيء فينا ولكن صعب دنيانا تغير قدر غالينا

-أليمة فرقة الاحباب إذا كان الوفى فيهم انا قلبي مع احبابي ولا اقدر اخليهم

-مهما تغليت فيك الروح مجبورة
-ابيك تدري صوتك العذب لاغاب ….احس نفسي تنكسر من غيابه
كذا غيابك للحزن يفتح ابواب…. غصب علي البس شقاه وثيابه
ادمنت صوتك وأن تثيقلت كذاب …. من يعشقك لاغبت يفقد صوابه

شعر مدح جميل

الجود شيخ تملكه عدة اطراف
بس المراجل حالفه إنك ولده
غريب جد وحاوين كل الاعراف
دنياك جنة بس فعلك رغدها
كن العلوم الطيبه عندك اهداف
صارت فريسه وانت كنت اسدها. 
-سلام يا أهل الجود والطيب
ياللي لكم بالصدر قدر ومعزه
القلب من فرقا الاجاويد يهتز
مثل الشجر يوم العواصف تهزه
في قربكم كل المخاليق تعتز
وعيني لكم تشتاق في كل حزه…-يامرحبا ترحيبتن كلها شوق
خطرن عليها لاتولع حريقي
يامرحبا وأهلين ياكامل الذوق
من كثر مارحبت بك جف ريقي
مقداركم والله على الراس من فوق
هذي الصراحة والشعور الحقيقي
 _______
-كتبت أنا في تالي الليل
بيتين…لعيون من يسوى جميع
الخلايق… الي معاهدني علي الزين
والشين…واللي بشوفه يصبح الفكر
رايق… الصاحب اللي منزله داخل العين
…هو الخوي وقت السعه والضوايق

الضيـف لـو انـه عـدو مـــــعاديـك
غصب عليك تقـدره وسـط بيتـك

سلامي للحبيب اللي
عيوني تنتظر شوفه
وقلبي ينبض بنبظات
يبحث عن صدى صوته

كتبت أنا في تالي الليل
بيتين…لعيون من يسوى جميع
الخلايق… الي معاهدني علي الزين
والشين…واللي بشوفه يصبح الفكر
رايق… الصاحب اللي منزله داخل العين
…هو الخوي وقت السعه والضوايق

أبيات مدح قصيرة

-سر يا قلم واكتب الأبيات منقوشة
بيوت شعر تشرفني معانيها
للصاحب اللي يمد الطيب وينوشه
من روس قوم علي العليا مبانيها
رفقة شرف ماهي بالتلفيق مغشوشه
يسمع بها قاصي العرب ودانيها

-تَكَثَّرْ مِنَ الإِخْوانِ مَا اسْتَطَعْـتَ فَإِنَّهُمْ
عِمَـادٌ إِذا اسْتَنْجَـدْتَهُـمْ وظَهِيـرُ
ومَا بِكَثِيـرٍ أَلْفُ خِـلٍّ وَصَاحِـبٍ
وَإِنَّ عَــدُواً وَاحِــداً لَكَثِيــرُ

-يفداك راسي وكلّي لك أنصاع.
الجود شيخ تملكه عدة أطراف
بس المراجل حالفه أنّك ولدها
عريب واجد وحاوين كل الأعراف
دنياك جنّة بس فعلك رغدها
كن العلوم الطيبة عندك أهداف
صارت فريسة وأنت كنّك أسدها

-يا صاحبي ما شفت مثلك بها الناس
فيك الوفا والوقت شح الوفا فيه
انت الذي لين اظلم الليل نبراس
ولا جارت كروب الدهر صحت اناديه
وانت الذي بين الذهب خاتم الماس
غالي الثمن عندي ولا احد يوازيه

-تستاهلين المدح ياشيخة الزين
يااللي على الگـل بطباعك فرقتي
مايختلف دايم على حسنك اثنين
كل البنات اتضيع لامن حضرتي

-سلام احلى من حليب المغاتير
للي غلاهم داخل الدم جاري
من راس منهو مايحسب المخاسير
يبيع عمره لا غدا الكل شاري
للرفيق اللي عشرته ياعرب غير
غايب وهو دايم على البال طاري

أشعار مدح للأصدقاء

-يا سائلا عني من القلب لبيه..
صوتك عزيز وغصب عنا نلبيك..
مثلك من الاجواد لاشك نغليه ..
ونفتح لك ابواب الخفوق ونحييك ..
واشري رضى من يشتريني وارضيه..
واقول له بالروح والعين نشريك…

-يا ليت لي مثله ثلاثه مشابيه
رفقته تشفي جرح غاير مكانه
الوقت ما يطلبك كثره مجابيه
الوقت ذا يطلبك فارس حصانه.
كتبت انا في تالي الليل بيتين
لعيون من يسوى جميع الخلايق
اللي معاهدني على الزين والشين
واللي بشوفه يصبح الفكر رايق
الصاحب اللي منزله داخل العين
هو الخوي وقت السعه والضوايق

-سر يا قلم و أكتب من المدح ما طاب
في الي جزيل المدح يستاهلونه
ناس مزايين و الرجا فيهم ما خاب
الروح و القلب فدى لهم لو يطلبونه
و أكتب لهم شيك محبه مفتوح الحساب
يسحبون من رصيد الغلى و أبد ما ينقصونه

-لو أكتب إحساسي بالأشعار وأبديه..
فيك المشاعر كيف بس أختصرها..
قدرك كبير ويعجز الشعر يوفيه..
كل القصايد فيك ينضب بحرها..
أرفع يديني وأسأل الله وأرجيه..
ينجيك من شر الحياة وكدرها..

-مثل الذهب غالي علينا ومطلوب
سيف الرجوله والتراحيب غمده
والأصل يبقى أصل بالخير محسوب
بالقبيلة والعز من عهد جده
له في الصداقة ذوق تعبير وأسلوب
والاصدقاء يبذل لهم كل جهده
لو يطلب احساسي فله كل مطلوب
ويطلب التفكير مابا نرده
والعقل حارس والشرايين مندوب
والقلب يكره كل من قام ضده
ياصاحبي لك وعد في البال مكتوب
ما نفترق والحُرّ يوفي بوعده.

-من رافقك والله حشا ما يخليك
لو عاشرك كل الدهر ما يملك
انا اشهد اني حرت مدري ش سميك
كل الخصال النادره ينتمن لك
الطيب كنه شابك ايديه فيديك
ان كان له صاحب فهو صاحبلك
والله ماني على مدح الرياجيل بخيل
خاصه لا جيت امدح في زحول الرجال
المشكله مدحهم حمل لا شلته ثقيل
من ثقلها ما يقدر عليها كبار الجمال
حتى لو تحاملت على حملها لابد يميل
مال الجمل حيله على حمل الاثقال
اجل وش حيله قلم بالقصايد يخيل
في معانيها صدق من مزون الخيال
قصيدة ماهي غزل فالطرف الكحيل
ولا هي عتاب وشكوى حال دون حال
قصيدة مدح في ذاك الشهم الاصيل