كلمات أغاني سعاد حسني مكتوبة وجميلة

يحتفل الكثير من محبي الفنانة المصرية الراحلة سعاد حسني بذكراها اليوم 26 يناير، وخلال مسيرتها الفنية قدمت سعاد حسني الكثير من الأغاني التي مازالت خالدة حتى الآن.

كلمات أغاني سعاد حسني مكتوبة

1

سيداتي .. انساتي .. سادتي
كل عام وانتم جميعاً طيبين ..
هذه على رأي ثومه ليلتي
فيها بفتح قلبي ليكم اجمعين ..
واحكي ليكم لما اغني
عن حبيبي اللي فتني
هوَ اصبح حته مني .. من العيون

والليله دي .. الليله دي
عيد ميلاده .. وعيد ميلادي
فرحه نادي .. عالسنا دي
والساعه دي .. له بقول ..

حبيبي دا القمر .. ونوره له اثر
ليالينا الحلوه فيه .. فكر وانس وسمر

كل اصحابي تحبه .. والعيله بتهواه
وانا مرسومه بقلبه .. وبيحبوني معاه

والليله فرصه عشان .. نبارك له ونهنيه
ونقيد له شمعه كمان .. ونغني ونقول ليه
حبنا كلنا .. عيش لنا دوم لنا
يا حبيب .. قلبنا .. يا طبيب .. نفسنا
عيدك هوَ عيدنا ويسعدنا نقل لك فيه

سيداتي .. انساتي .. سادتي
كل عام وانتم جميعاً طيبين ..
هذه على رأي ثومه ليلتي
فيها بفتح قلبي ليكم اجمعين ..

2

دولا مين ودولا مين دولا عساكر مصريين
دولا مين ودولا مين دولا ولاد الفلاحين

دولا الورد الحر البلدي .. يصحى يفتح اصحى يا بلدي
دولا خلاصة مصر يا ولدي .. دولا عيون المصريين
دولا مين ودولا مين

دولا القوة ودولا العز .. يهدوا الغالي مهما يعز
هز يا دفعه هلالك هز .. واحنا وراك ملايين جايين
دولا مين ودولا مين

دولا اخواتنا ودولا بنينا .. دولا الأمل اللي مخلينا
دولا المجد اللي يعلينا .. فوق الجرح نعود سالمين
دولا مين ودولا مين
دولا يا سينا ولاد الشهدا .. دولا التار لا ينام ولا يهدا
خلي ترابك يسكن يهدا .. طول مابهيه بحضن ياسين
دولا مين ودولا مين

كلمات أغاني سعاد حسني مكتوبة وجميلة

3

حلاوه بقلاوه شنجر بنجر نو الهوقه

عروسه ننوسه وعريسها اكل الجو حدوقه

من حبها عمل اللالى .. اللالى

وكتب على الطرحه الدلى .. الدلى

يا صلاه الزين .. يا صلاه الزين .. يارب يخلى

خلى بالك من زوزو زوزو .. زوزو النوزو كونوزو

اسمع غناها .. وافهم لغاها

دى زوزو دى كلام هنعوزو

صلى على الزين .. صلى على الزين

الليله انس ومغنى ورقص وجوها دقص

ناقصه العزول .. ودا اجمل نقص

وهيروح فين .. بين الحبيبين

صلى على الزين على الزين صلى

وخلى بالك من زوزو زوزو .. زوزو

خلى بالك من زوزو زوزو .. زوزو النوزو كونوزو

اسمع غناها .. وافهم لغاها

دى زوزو دى كلام هنعوزو

صلى على الزين .. صلى على الزين

فاز بالعروسه عريس موعود .. قدها وقدود

هى الكمنجه وهو العود .. يلعبو الاثنين

آه يا ليلي يا عين

صلى صلى على الزين

وخلى بالك من زوزو زوزو .. زوزو

خلى بالك من زوزو زوزو .. زوزو النوزو كونوزو

اسمع غناها .. وافهم لغاها

دى زوزو دى كلام هنعوزو

صلى على الزين .. صلى على الزين

4

منتش قد الحب يا قلبي ولا قد حكايته

ليه عايزني من دلوقتي احكيلك رواياته 

مش كل كتاب يا قلبي بالحب يتقرا

وقولتك ميت مرة انا قولتلك ميت مرة

انا لسه انا لسه انا لسه صغيرة 

اما انت عليك يا قلبي شوية اسئلة

وكل سؤال بيخلق بالفكر مشكلة

عبلة وعنتر عملوه ايه علشان يقسى الحب عليهم

وحبيب ليلى اتجنن ليه وليه الدنيا غدرت بيهم

هو احنا قدهم  ولا احنا زيهم

مش كل كتاب يقلبي بالحب يتقرا

وقولتلك ميت مرة انا قولتلك ميت مرة

انا لسه انا لسه انا لسه صغيرة

بكرا يا قلبي تكبر والحب هتفهمه

من  غير كلام عينيه هتشوفها بترسمو

وهتبتدي الحكاية من كلمة صغننة

حكاية جديدة خالص من تأليفي انا 

يكتبها الشوق بليلة ونقراها بميت سنة 

لكن الي بتسأل عنهم علشان تتعلم منهم

 هو احنا قدهم ولا احنا زيهم

مش كل كتاب يا قلبي بالحب يتقرا

5

الحلوه لسه صغيره  .. صغيره

عالحب لسه صغيره .. صغيره

شافت منام .. ولا في المنام

فتحتلوا باب المندره

اداها حتة سكره .. سكره

طارت فى دنيا منوره  .. منوره

تاهت معاه .. والحلم تاه

رجعت للدنيا تقول يارتنا ياريتنا فضلنا جوه المندرة

زوقيني يا لمونة زوقيني

زحلقيني فوق صابونه فرجيني

فرجيني الدنيا الحلوة فرجيني

دوخيني يا لمونه دوخيني

لا يا بنات انتوا لسه صغيرين

وانت دخلك ايه من فضلك

وكمان انت تطلع مين

عموا حزمبل .. فاعل خير

دايما احب اساعد الغير

طيب قولى ياعم حزمبل

انا راح اقولك سر خطير

بس السر ده بيني وبينك

قولى يابنتي السر في بير

عايزه افتح عيني واغمض القى سني بقى عشرين

علشان ايه

علشان اعجب شاب يكون خمسه وتلاتين

لا مش ممكن

علشان خاطرى بس ولو ليومين

لا يوم واحد بس بشرط .. تمشى معايا على طول الخط

بختك يابو بخيت .. الهمه يا جدعان

شدوا الشبكه ولموا .. خلوا الرزق يبان

صبرك حبه يا خال رزق الغيب ده حلال

يجى بطولة البال مش عايزه شيال

ولا محتاج خيال يجري وراه بحصان

بختك يابو بخيت

يا بحر الهوى يا حبيبى انا ..

انا كنت عايزة اجيلك بقالى كم سنه

بيقولوا انك قوى .. وبتجرح بالاوى

علمني .. علمني بس حاسب  عليا من الهوى

يا بحر الهوى .. يا حبيبي انا

ياعم يا صياد قولى الحكايه ايه

مين العرايس دول مالهم حزانى ليه ؟

بحر الهوى غدار والخطوه فيه فدان

نزلوه فى ساعة شوق .. قبل الاوان باوان

متقولي يا صياد .. ايه الحكايه والبحر غدار ليه ؟؟

أهلاً أهلاً يا اهلين .. ست الحسن ونور العين

العصفوره دي طايره منين .. والاموره دي كانت فين

ست الحسن على الشطين

اهي دي الجنه اللى انا عايزاها

انا طول عمري باتمناها

الجنه دي جهنم حمره

كل الالوان دي دهب قشره

اسكت انت  ..اش فهمك انت

يادي الداهيه يادي الندبه هتعقلي امتى

اقطع فرق العب .. طيب واللى هيكسب

اللى هيكسب يرمي ورقته

والعصفوره دي تبقى عروسته

اهو هوه ده

كله الا ده ..

انا عايزه من ده يا حزمبل

انا عايزه من ده ..

اهو ده اللى هيقدر يسعدني من كلمه واحده

بقى هوه الحب كده .. بقى هيا الدنيا كده

يا خسارة فرحتي .. يا خسارة ضحكتي

يا مين ياخدني تاني يرجعني لدنيتي

مش هوه ده اللى .. بقى هوه ده اللى

مش هوه ده .. ماهو هوه ده ..

هما ليه بقوا كده .. اصلهم هما كده

انا عارف بس ايه اللى جابك هنا

ما قلتلك تعالى معايا

كنت هتوديني فين

البحر بتاعنا

بس البحر بتاعكم ده بعيد قوي

ماحنا كنا هنوصل مسافة ما حكيلك حدوته

حدوتة ايه ..

حدوتة العصفور والبلبل

اليوم خلص

اخص عليك والنبي يا حزمبل !!

اليوم خلص

سيبه يقولى حكاية البلبل

اليوم خلص

انا حبيته والنبي يا حزمبل

سيبه يقولى حكاية البلبل !!

الحلوه لسه صغيره  .. صغيره

عالحب لسه صغيره .. صغيره

شافت منام .. ولا في المنام

فتحتلوا باب المندره

اداها حتة سكره .. سكره

طارت فى دنيا منوره  .. منوره

تاهت معاه .. والحلم تاه

رجعت للدنيا تقول يارتنا ياريتنا فضلنا جوه المندرة