نكت مصرية قصيرة مكتوبة.. ستجعلك لا تتوقف عن الضحك

نكت مصرية قصيرة، قد تكون طريقة جميلة للاستمتاع خلال التجمع وسط الأهل والأصدقاء، إليك مجموعة من نكت مصرية قصيرة وأطرف نكت مصرية بايخة التي ستجعلك تبتسم وتضحك.

نكت مصرية قصيرة

لأجمل نكت مصرية قصيرة، إليك مجموعة مختارة في السطور التالية:

• واحده ست سايقة على الجي بي إس، قالها انحرفي قليلًا، قلعت الطرحة.
• واحد رخم نزل الشارع ملقاش حد يرخم عليه! قام وقف قدام العمود وقالو عدينی.
• مره واحد حب ينط من الدور العاشر،  لقى العمارة 5 أدوار،  نط من الخامس مرتين.
• ايه الشوكلاته المفضله لدكاترة السنان ؟!  شوكولاته ضيرسي
• مرة بطة استلفت فلوس من صاحبتها !!  عشان الحالة كانت duck على الآخر.
• بنت حبت تشتغل مع رئيس عصابة،  شغلها في غسيل الأموال.
•  مره طالب أدبي نزل القهوة، قال للقهوجي عايز جيجا تفاح.
• مرة صنايعي عطس، قال هات شاي.
• مهندس قرر يسيب الشغل وهو ماشي قال أنا مستطيل
• طلبت من جوزها 4000 جنيه تعمل عملية ربط معدة، إداها 30 جنيه وقالها هاتي قفل للمطبخ
• سألت زوجها حبيبي أي الفرق بيني وبين نانسي عجرم؟  قالها مفيش فرق هي مرسومة وأنتي شخبط شخابيط. 

@ra2ej نكت 2022 مضحكة جداً#Ra2ej #Trend #News #منوعات ♬ BARELY BREATHING - Grant Averill

أجمل نكت مصرية قصيرة مكتوبة

إليك مجموعة أخرى من أجمل نكت مصرية قصيرة مكتوبة:

• مسطول حب يغازل خطيبته (اللي هي بيضا وعيونها خضرا)، قالها يا أحلى طبق رز بالبسلة شفته.
• واحد رجع من الشغل لقى البيت بيتحرق.. دخل أول مرة طلع بنته.. وبعدين دخل طلع مراته.. وبعدين دخل وخرج فاضي.. ودخل تاني وخرج فاضي.. قالوله أنت بتدخل تعمل إيه؟! قالهم بقلب حماتي
• من هو المصري؟ هو كائن حي محبوب دوليًا، مظلوم محليًا، فقير ماديًا، تعبان نفسيًا والعجيب أنه ما زال حيًا!
• واحد أهبل اشترى رسيفر راح لأمه قالها أنا جبت رسيفر، قالت له جبت فلوسه منين؟ قالها بعت التليفزيون
• محشش راح يكشف عند دكتور سوداني قاله عندك فيروس في الرئة،  قاله دور كده يمكن تلاقي نانسي في الكبد
• واحد مراته اتخطفت واللي خطفها طلب فدية وبعت للزوج صباع مراته عشان يهدده، رد قاله أنا مش متأكد أن ده صباعها ابعت رأسها اتأكد الأول.

نكت مضحكة قصيرة مصرية

جرب هذه المجموعة من نكت مضحكة قصيرة مصرية في تجمعك القادم مع الأهل أو الأصدقاء:

• واحدة بتسأل جوزها إيه الرسايل اللي على تليفونك دي؟ قالها دي من موبينيل.. قالتله موبينيل بتقولك هنتقابل فين وامتى؟!  قالها اه أنا مستلف وعايزين فلوسهم؟ 
• واحد قاعد في الدفن سأل رفيقه أنت عزيت؟  قاله لا انا على المازوت.
• ما هو الفرق بين الكمبيوتر والحفرة؟ الكمبيوتر حاسب آلي، والحفرة حاسب تقع.
• خبير إنترنت خلف ولد، سماه دوت كوم.
• بلدايتنا اشترى موبايل سامسونج راح بعت رسالة لخطيبته، متتصليش على النوكيا علشان بعته.
• واحد قاعد يحمد ربنا أنه مش صيني واحد قاله ليه كده؟ قاله أنت غبي انا معرفش ولا كلمه صيني.
• مرة واحد بخيل أوى جاب تليفون جديد حطه في جيبه اللي ورا ونسي وقعد على كرسي، راح سامع صوت حاجه بتكسر! قال يارب يبقي العمود الفقرى.
• واحد عنده مزرعة جزر وجنبه شوية أرانب بيصحي كل يوم ميلاقيش الجزر، راح مزعق لصاحب المزرعة وكسر سنان الأرانب كلها، اليوم اللي بعده برضه ملقاش جزر، قام ماسك أرنب من رقبته قاله وديتوه فين قام رادد عليه وقاله عملناه عثير وثربناه.
• مرة مذيع طلع فاصل، نزل مشحون.

أفضل 10 نكت مصرية

لأجمل وأفضل 10 نكت مصرية، اخترنا لك هذه النكات الطريفة:

1. صاحب عربية كشري عطلت منه العربية نزل واداها دقة.
2. مرة واحدة متجوزة مدرس رياضيات بتقوله الغسيل اتنشر قالها لا ثلاثة عشر.
3. بنت اسمها هالة حطت كونسيلير اختفت.
4. أخطبوط بيعيط في الماية قالوله مالك بتعيط ليه قالهم مش عارف إيدي من رجلي.
5. مرة كيس مكرونة اتخانق مع مراته قالت له وديني أندومي.
6. فنجان شاي بيطلق مراتة فنجانة الشاي قالت له طب والتفل اللى في بطني.
7. مرة مفتاح مات أهله مزعلوش عليه عشان كانوا مطلعين عليه نسخة تانية.
8. ترزي كان ماشي في حتة مقطوعة قام مخيطها.
9. نكتة ماشية في الشارع تعيط سألوها مالك قالت لهم واحد ضحك عليا.
10. مدرس لغة عربية شاف مراته في الشارع قال واو الجماعة.

نكت مضحكة جدا مصرية

إليك مجموعة نكت مضحكة جداً مصرية، في النقاط التالية:

• مرة ضابط حب يفسح ولاده خدهم مسرح الجريمة.
• مرة واحد جاب كبريت لمراته قالت له مش بيولع قالها أزاي ده أنا مجربهم عود عود وأنا جاي.
• مرة واحدة أسمها أية دخلت تجارة بقت أية حاسبة.
• اخطبوط ماشي مع اخطبوطة وكانوا هيعدوا السكة قام قالها هاتي ايدك هاتي ايدك هاتي أيدك.
• مرة واحد أسمه أمير عطس راح لزق في الحيطة
• بنت اسمها زينة راحت حفلة علقوها.
• حمار اتجوز بطاطساية خلفوا بطاطس محمرة.
• طباخ عمل فيديو كريب.
• بنت اسمها نور غسلت وشها أكهربت.

نكت مصرية سخيفة

للمزاح مع أصدقائك وعائلتك، اضطلع على أطرف نكت مصرية سخيفة:

• مرة واحد قعد ع القهوة عملت بن.
• واحد سأل واحد عندك حلاوة، قاله لا، وهو معندوش.
• مدرس رياضيات خلف اتنين واستنتج التالت.
• مرة واحد مات باقي الأرقام زعلت عليه.
• مرة حلة رز شاطتت جابت جول.
• مرة واحد بيسال واحد هو انهاردا السبت ولا الاحد قاله لا الاتنين، قاله ايه دا الاتنين مع بعض.
• مرة واحد رفع قضية وقعت عليه.
• مرة واحد دمه فار جريت وراه قطة.
• مرة ممثل كبير جاله دور برد رفضه.
• مرة واحد حب راحت العصافير أكلته.
• مرة واحد أكل جوز هند راحت هند موتته.
• مرة واحد طلع على المعاش معرفش ينزل.
• مرة حكم دخل على قهوة طلب واحد صفر.
• مرة واحد صدره ضاق عليه أعطاه لأخيه الأصغر.
• مرة واحد خلف سبع أولاد فسمى نفسه سفن أب.
• مرة واحد شرطي مرور خلف ولد بيتكلم بالإشارة.
• مرة واحد سأل واحد الساعة كام قاله 10 و 10 قاله ما تقوله يا اخي 20 وتخلصنا.
• مرة واحدة اتجوزت من ورا أبوها، أبوها لف شافها.
• مرة واحدة اسمها ساندي دخلت كلية هندسة بقا اسمها ساندي متر مربع.
• مرة واحد جاب شعره على جمب عشان كان عاوزه في موضوع.

نكت مصرية بايخة

إليك أطرف نكت مصرية سخيفة:

• مرة النور قطع وبعد شويه جه عادي يعني.
• مرة اتنين دحيحة اتجوزو حفظو الكتاب.
• مرة واحد عنده عربية بي إم نام و صحي لقاها am.
• لمبة طلبت خدمة من لمبة قالتلها من نيوني.
• مرة واحد خبط واحد بخيل راح قاله ما تحاسب البخيل طلع يجري.
• مرة طمطماية عطست قالت كاتشب.
• مرة اثنين ركبوا سيارة واحد ساق والثاني ذراع.
• مرة اثنين مديرين راحوا البحر مدير عام ومدير غرق.
• مرة اثنين مديرين راحوا البحر مدير عام ومدير عامين.
• مرة واحد حب يطور الهليكوبتر شال المروحة وركب تكييف.
• مرة خياط كان ماشي في حته مقطوعة راح مخيطها.
• مرة جزار خلف بنيتن سمى الأولى كيلوباترا والثانية كيلو لحمة.
• مرة واحد جاب شعره على جنب عشان عايزه في موضوع.

نكت مصرية قديمة

إليك مجموعة نكت مصرية قديمة مضحكة جداً:

• اتنين مساطيل راكبين عربية خبطوا واحد فالسائق بيقول للى جمبه انزل شوفه مات ولا لسه قاله السكران التانى تعالى يمين شوية، أيوه، شمال شوية، أطلع لقدام، بس كده مات.
• واحد معاه عربية قديمة وعاوز يبيعها ومش عارف، فصاحبه قاله حط عليهاعلامة مرسيدس وهى تتباع فورا، راح عمل كدا بعد اسبوع صاحبه بيسأله بعت العربية ولا لا، قاله انت عبيط حد يبيع عربية مرسيدس.
• واحدة ست راحت تقول لجوزها هو أنت ليه مش زي أستاذ سعيد جارنا اللي فوق، دا كل يوم وهو نازل رايح الشغل بيبوس مراته، راح رد عليها قالها أنا نفسي أعمل زيه بس هي هتوافق؟
• خروف بيسأل خروف مر عيدين ولسه متدبحتش، قال : مسجل بشهادة الميلاد حمار.
• دخل المدرس الفصل ووقف سأل الطلاب ايه الحاجة اللي لونها أسود في أصفر وبتنزل عسل؟ قام رد عليه واحد من الطلاب وقاله أتوبيس المدرسة بتاع البنات.
• واحد عنده مزرعة فراخ راح يشوفها فمرة قام لقى أن كل فرخة جنبها بيضة واحدة بس فاتعصب وقام مسك فرخة منهم وقطعلها رجلها وبص لباقي الفراخ وقالهم أنا هاجي بكرة أشوف البيض واللي هلاقيها مش جايبة 5 بيضات هعمل فيها نفس اللي حصل في دي، جه تاني يوم لقى كل فرخة جنبها 5 بيضات ما عدا واحدة بس كان جنبها 3، فقالها اشمعنى أنتِ راحت قالتله استر عليا أنا أصلًا ديك.
• واحد غبي سمع أن في نظارة الشخص اللي يلبسها يشوف كل الناس من غيرهدوم.. فراح باع كل اللي عنده وجمع فلوس وسافر عشان يشتريها ورجع مبسوط بيها بقى وماشي يتفرج على الناس لغاية ما وصل للبيت فتح الباب لقى قدامه رجل غريب ومراته والاتنين من غير هدوم، فقام قالع النضارة لاقاهم برضو من غير هدوم، طبعًا مراته جريت عليه تقوله سامحني راح قالهايا ستي استني خليني أشوف النضارة علقت ليه.